Малінаўка (станцыя мэтро)

«Малі́наўка» (трансьліт.: Malinaŭka) — канцавая станцыя Маскоўскае лініі Менскага мэтрапалітэну, злучаная са станцыяй «Пятроўшчына». Адкрытая 3 чэрвеня 2014 году^[1], першапачатковае плянаванае адкрыцьцё — лістапад 2013 году.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Малінаўка.

Станцыя «Малінаўка»
Маскоўская лінія
Менскі мэтрапалітэн
Дата адкрыцьця	3 чэрвеня 2014 году[1]
Архітэктары	Уладзімер Целяпнёў
Скульптар	Максім Пятруль
Выхад да вуліц	прасп. Дзяржынскага, вул. Ясеніна, вул. Яна Чачота
Код станцыі	110

п а р Маскоўская лінія
Уручча Барысаўскі тракт Усход Маскоўская Парк Чалюскінцаў Акадэмія навук Плошча Якуба Коласа Плошча Перамогі Кастрычніцкая Плошча Леніна Інстытут Культуры ЦЧ-1 «Маскоўскае» Грушаўка Міхалова Пятроўшчына Малінаўка Шчомысьліца

Архітэктар — Уладзімер Целяпнёў, скульптар — Максім Пятруль(be).

Будаўніцтва перагонных тунэляў ад станцыі «Пятроўшчына» да перасячэньня з вуліцай Касманаўтаў вялося закрытым спосабам, ад скрыжаваньня з вуліцай Касманаўтаў да станцыі «Малінаўка» — адкрытым спосабам.

Разьмяшчэньне

Знаходзіцца на паўднёва-заходняй ускраіне Менску, паблізу МКАД. Разьмешчаная на перакрыжаваньні прасп. Дзяржынскага, вул. Ясеніна і вул. Яна Чачота, ля мікрараёнаў Малінаўка й Брылевічы. Найбольш паўднёвая з усіх станцыяў Маскоўскае лініі й менскага мэтрапалітэну наогул, наступная праектаваная станцыя гэтай жа лініі, якая паводле плянаў будзе месьціцца пасьля Малінаўкі — Шчомысьліца.

Дызайн

Беларускі скульптар Максім Пятруль зьяўляецца аўтарам твораў візуальнага мастацтва, інтэграваных у грамадзкую прастору станцыі Малінаўка, спраектаванай архітэктарам Уладзімірам Целяпнёвым. На гэтай станцыі ажыцьцяўляецца ўкараненьне твораў мастацтва М. Петруля, а сама станцыя набыла экспазыцыйную функцыю, становячыся выставачнай пляцоўкай, альтэрнатыўнай традыцыйным выставачным прасторам — музэям, галерэям і арт-цэнтрам. Асноўнай задачай твораў зьяўляецца не столькі дэкаратыўная функцыя, колькі рэпрэзэнтатыўная — прадстаўленьне саміх сябе ў якасьці завершаных мастацкіх твораў «візуальнага мастацтва для грамадзкіх прастор»^[2].

Галерэя

• 
•