Марцыян Трызна

Марцыян Трызна (? — 17 траўня або 2 жніўня 1643) — рэлігійны й дзяржаўны дзяяч Вялікага Княства Літоўскага. Падканцлер вялікі літоўскі (ад 1641).

Марцыян Трызна

Марцыян Трызна, невядомы мастак 1643
Герб «Газдава»
Асабістыя зьвесткі
Нарадзіўся	каля 1598[1]
Памёр	17 траўня 1643(1643-05-17)[2] або каля ліпень 1643[1] Берасьце, Вялікае Княства Літоўскае
Пахаваны	Касьцёл Сьвятога Яна Хрысьціцеля і кляштар бэрнардынаў
Род	Трызны
Бацькі	Рыгор Трызна[d] Раіна Сапега[d]
Дзейнасьць	каталіцкі сьвятар, дзяржаўны дзяяч

Біяграфія

Прадстаўнік шляхецкага роду Трызнаў гербу «Газдава», сын Рыгора і невядомай з Сапегаў. Брат Паўла Пятра, Гедэона Міхала і Мікалая. Паводле К. Нясецкага добра валодаў грэцкай мовай^[3].

Канонік віленскі (ад 1620), адначасна пісар духоўны літоўскі (1628—1641), пробашч троцкі, геранёнскі, рэфэрэндар духоўны літоўскі (1631—1641), біскуп-каад’ютар віленскі (ад 1638), біскуп-суфраган беларускі (ад 1639)^[4].

У 1633 быў дэлегатам на сойм для карэктаваньня Статуту Вялікага Княства Літоўскага, браў удзел у складаньні Палянаўскага міру з Маскоўскай дзяржавай (1634).

Памёр 17 траўня або 2 жніўня 1643. Пахавалі біскупа, згодна зь яго апошняй воляй, у касьцёле бэрнардынаў у Берасьці.