Марын I (папа рымскі)

Марын I (па-лацінску: Marinus PP. I; ?, Галезэ — 15 траўня 884, Рым) — папа рымскі з 16 сьнежня 882 па 15 траўня 884 году. Каля 866 году быў пастаўлены папам Мікалаем I у дыяканы. У 869 годзе ўдзельнічаў у Чацьвёртым Канстантынопальскім саборы, які асудзіў Фотыюса й аднавіў на катэдры Канстантынопаля патрыярха Ігната. Пасьля вяртаньня ў Італію быў узьведзены ў біскупскі сан. 16 сьнежня 882 году, пасьля сьмерці папы Яна VIII, быў абраны новым папам рымскім.

Марын I (папа рымскі)

па-лацінску: Marinus I
Асабістыя зьвесткі
Нарадзіўся	830[1] Галезэ[d], Вітэрба[d], Ляцыё, Каралеўства Італіі[d][1]
Памёр	15 траўня 884[2][1] Рым, Папская дзяржава[1]
Пахаваны	базыліка сьвятога Пятра
Дэнамінацыя	Каталіцкая царква[1]
Заняткі	дыплямат, каталіцкі сьвятар, пісьменьнік
Марын I у Вікісховішчы

Неўзабаве пасьля абраньня вярнуў будучаму папе Фармозу кардынальскае званьне. З усшэсьця Марына I на Сьвяты Пасад добрыя адносіны зь Бізантыяй, якія мелі месца ў пэрыяд пантыфікату ягонага папярэдніка, зноўку пагоршыліся, паколькі Марын быў прынцыповым праціўнікам Фотыюса, які вярнуўся на Канстантынопальскую катэдру пасьля сьмерці Ігната. Заключыў зьвяз з англа-саксонскім каралём Альфрэдам Вялікім.