Марыё Гомэс

Марыё Гомэс Гарсія (па-гішпанску: Mario Gómez García; нар. 10 ліпеня 1985 году, Рыдлінген, ФРН) — былы нямецкі футбаліст гішпанскага паходжаньня, нападнік. Выбітны гулец нацыянальнай зборнай Нямеччыны. Найлепшы футбаліст Нямеччыны 2007 году.

Марыё Гомэс
Пэрсанальная інфармацыя
Нарадзіўся	10 ліпеня 1985(1985-07-10)[1][2][3] (40 гадоў) Рыдлінген[d][4]
Рост	189 см
Вага	88 кг
Пазыцыя	нападнік
Клюбы
Гады	Клюб	Гульні (галы)¹
2003—2005	Штутгарт II	43 (21)
2003—2009	Штутгарт	121 (63)
2009—2013	Баварыя	115 (75)
2013—2015	Фіярэнтына	29 (7)
2015—2016	→ Бэшыкташ	33 (26)
2016—2017	Вольфсбург	45 (17)
2018—2020	Штутгарт	70 (22)
Зборныя
2004	Нямеччына (да 20)[d]	8 (2)
2005—2006	Нямеччына (да 21)[d]	9 (1)
2007—2018	Нямеччына	78 (31)

Біяграфія

«Штутгарт»

У 2004 годзе Гомэс згуляў 10 хвілінаў за «Штутгарт» у матчы Лігі чэмпіёнаў у гульні супраць «Чэлсі» 9 сакавіка, а 8 траўня дэбютаваў за клюб у розыгрышы Бундэсьлігі.

«Баварыя»

26 траўня 2009 году «Баварыя» заплаціла за яго рэкордную для Бундэсьлігі суму — паводле розных крыніцах ад 30 да 35 мільёнаў эўра. Лічыцца адным з найлепшых нападнікаў Нямеччыны. У першым сэзоне ў «Баварыі» Гомэс згуляў нядрэнна, але ад яго чакалі большага. Валодае цудоўнай тэхнікай і часьцяком забівае прыгожыя мячы, аднак у зборнай яму стала не шанцуе. 7 траўня 2011 году Гомэс забіў тры галы ў браму «Санкт-Паўлі», што стала ягоным пятым хет-трыкам за сэзон 2010—2011 гадоў у Бундэсьлізе, што зьяўляецца другім падобным паказчыкам за ўсю гісторыю нямецкіх чэмпіянатаў^[5].

«Фіярэнтына»

8 ліпеня 2013 году Гомэс далучылася да клюбу Сэрыі А флярэнтыйскай «Фіярэнтыны», падпісаўшы чатырохгадовы кантракт. Як мяркуецца за гульца італьянскі клюб заплаціў 20 млн эўра^[6]. Марыё быў афіцыйна прадстаўлены ў якасьці гульца «Фіярэнтыны» 15 ліпеня, на цырымоніі прысутнічала 20 тысяч чалавек^[7].

Нацыянальная зборная

Марыё Гомэс дэбютаваў за зборную Нямеччыны ў матчы супраць зборнай Швайцарыі 7 лютага 2007 году. Нямеччына перамагла ў той гульні зь лікам 3:1, а Гомэс забіў другі гол каманды.

Асабістае жыцьцё

У Гомэса нямецка-гішпанскія карані, ягоны бацька гішпанец, родам з Гранады, а маці — немка.

Дасягненьні

«Штутгарт»:

• Чэмпіён Нямеччыны: 2007

«Баварыя»:

• Чэмпіён Нямеччыны: 2010, 2013
• Уладальнік Кубка Нямеччыны: 2010, 2013
• Уладальнік Супэркубка лігі Нямеччыны: 2010, 2012
• Пераможца Лігі чэмпіёнаў: 2013

«Бэшыкташ»:

• Чэмпіён Турэччыны: 2016

Нямеччына:

• Бронзавы прызэр чэмпіянату сьвету: 2006, 2010
• Срэбраны прызэр чэмпіянату Эўропы: 2008