Мастаўляны-Калёнія

Мастаўля́ны-Калёні́я (па-польску: Mostowlany-Kolonia, на мясцовай беларускай гаворцы: Мостоўля́ны^[2]) — вёска ў Беластоцкім павеце Падляскага ваяводзтва Польшчы. Знаходзіцца ў гміне Міхалова (солтыства Ялаўка).

Мастаўляны-Калёнія
польск. Mostowlany-Kolonia
Дата заснаваньня:	1922
Мясцовая назва:	Мостоўляны
Краіна:	Польшча
Ваяводзтва:	Падляскае
Павет:	Беластоцкі
Гміна:	Міхалова
Насельніцтва:	73 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	16-050
Нумарны знак:	BIA
Геаграфічныя каардынаты:	53°2′51.000″ пн. ш. 23°51′6.000″ у. д.
Мастаўляны-Калёнія на мапе Польшчы Мастаўляны-Калёнія
Галерэя здымкаў у Вікісховішчы

Побач зь вёскай працякае рака Сьвіслач.

Насельніцтва

Жыхары вёскі ў большасьці палякі, каталікі (парафія Перамяненьня Панскага ў Ялаўцы^[3]). Невялікую частку населніцтва складаюць этніныя беларусы, праваслаўныя (прыход сьв. Яна Багаслова ў Мастаўлянах^[4]).

Гісторыя

Мастаўляны-Калёнія знаходзіцца ў месцы былога фальварку, які ўваходзіў у склад мастаўлянскіх маёмасьцяў^[5]. У міжваенны пэрыяд фальварак Мастаўляны, а пасьла Мастаўляны-Калёнія ўваходзіў у склад гміны Галынка Гарадзенскага павету Беластоцкага ваяводзтва. Паводле польскага перапісу насельніцтва 1921 г. пражывала тут 77 жыхароў (2 каталікоў, 71 праваслаўных і 4 габрэяў; 6 запісаных было палякамі, 70 беларусамі і 1 расейцам)^[6]. З 1922 г. Мастаўляны-Калёнія пачалі разьвівацца як самастойная вёска, калі землі былога фальварку пачалі выкуплаць асаднікі з цэнтральнай Польшчы. Пасьля Другой сусьветнай вайны Мастаўляны-Калёнія былі далучаныя да гміны Міхалова. У 1946 г. пражывала тут 462 чалавек, але пасьля правядзеньня мяжы на Сьвіслачы асаднікі пачалі пакідаць вёску (колькасьць населніцтва паміж гадамі 1945 і 1995 зьменшылася на 77,7%)^[5].