Мат’ё Вальбуэна

Мат’ё Вальбуэна́ (па-француску: Mathieu Valbuena; нар. 28 сьнежня 1984 году, Бруж, Францыя) — францускі футбаліст грэцкага клюбу «Алімпіякос Б». Ёсьць атакуючым паўабаронцам і нападнікам, а таксама вядомы сваёй хуткасьцю, тэхнічнымі здольнасьцямі й чэпкім стылем гульні^[3]. З-за свайго маленькага росту Вальбуэна мае мянушку «маленькі ровар» (франц. Le Petit Vélo)^[4].

Мат’ё Вальбуэна
Пэрсанальная інфармацыя
Нарадзіўся	28 верасьня 1984(1984-09-28)[1][2] (40 гадоў) Бруж[d]
Рост	167 см
Вага	58 кг
Пазыцыя	атакуючы паўабаронца
Клюбная інфармацыя
Клюб	Алімпіякос Б Пірэй[d]
Нумар	28
Клюбы
Гады	Клюб	Гульні (галы)¹
2003—2004	Лянгон[d]
2004—2006	Лібурн[d]	55 (10)
2006—2014	Алімпік Марсэль	242 (27)
2014—2015	Дынама Масква	29 (6)
2015—2017	Алімпік Ліён	56 (9)
2017—2019	Фэнэрбахчэ	51 (10)
2019—2023	Алімпіякос Пірэй	98 (14)
2023—2024	Апалён Лімасол	33 (7)
2024—2025	Калітэя[d]	32 (3)
2025—4	Алімпіякос Б Пірэй[d]	0 (0)
Зборныя
2010—2015	Францыя	52 (8)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 10 траўня 2025.

Клюбная кар’ера

Раньнія гады

Вальбуэна пачаў сваю кар’еру ў прафэсійным клюбе «Бардо». Пасьля двух сэзонаў знаходжаньня з клюбам ён далучыўся да аматарскага клюбу «Лянгон-Кастэ» ў пяты дывізіён францускага футболу. У 2004 годзе далучыўся да клюбу «Лібурн-Сэн-Сюр», які выступаў у трэцім паводле ўзроўню дывізіёне францускага футболу.

У сэзоне 2006 году клюб прабіўся ў Лігу 2, а Вальбуэна быў названы гульцом году лігі, што зацікавіла некалькіх прафэсійных клюбаў Лігі 2 і Лігі 1.

«Алімпік» Марсэль

9 чэрвеня 2006 году Вальбуэна падпісаў свой ​​першы прафэсійны кантракт пасьля ўзгадненьня зь пераходам у клюб «Алімпік» з Марсэлю. Ён падпісаў трохгадовы кантракт з клюбам і атрымаў кашулю з нумарам 28^[5]. Вальбуэна дэбютаваў за клюб 15 ліпеня 2006 году ў матчы трэцяга раўнду Кубка Інтэртота супраць украінскага клюбу «Дняпро»^[6]. Вальбуэна дэбютаваў за клюб у розыгрышы францускае лігі 19 лістапада 2006 году ў матчы супраць «Валянсьену», выйшаўшы на зьмену^[7]. 19 траўня 2007 году Вальбуэна забіў свой ​​першы прафэсійны гол у матчы супраць клюбу «Сэнт-Эт’ен», а ягоная каманда перамагла ў той сустрэчы зь лікам 2:1.

«Дынама» Масквa

2 жніўня 2014 году Вальбуэна падпісаў 3-гадовы кантракт з маскоўскім «Дынама», за які расейцы выклалі 6 млн фунтаў^[8]. Дэбютаваў, выйшаўшы на замену ў матчы супраць маскоўскага «Спартаку» 10 жніўня 2014 году, у якім «Дынама» прывала паразу зь лікам 1:2. 13 жніўня Мат’ё выйшаў у асноўным складзе ў матчы супраць «Уфы» і дапамог клюбу ў абодвух галах, матч скончыўся перамогай маскавітаў зь лікам 2:0.

Кар’ера ў зборнай

Вальбуэна не выклікаўся дзіцяча-юнацкія зборныя Францыі. Тым ня менш, пасьля ягоных уражлівых выступаў у «Марсэлі», ён быў удастоены закліку да нацыянальнай каманды трэнэрам Раймонам Дамэнэкам на матчы супраць зборных Ангельшчыны й Малі ў сакавіку 2008 году^[9], але з-за траўмы Мат’ё быў вымушаны прапусьціць гульні.

Наступны выклік Вальбуэна атрымаў праз два гады ў траўні 2010 году, калі ён быў уключаны ў папярэдні сьпіс з 30 чалавек, якія павінны былі гуляць на чэмпіянаце сьвеце па футболе ў ПАР^[10].

Дасягненьні

«Марсэль»:

• Чэмпіён Францыі: 2010
• Уладальнік Кубка лігі Францыі: 2010, 2011, 2012
• Уладальнік Супэркубка Францыі: 2010, 2011

«Алімпіякос»:

• Чэмпіён Грэцыі: 2020, 2021, 2022
• Уладальнік Кубка Грэцыі: 2020

Асабістае жыцьцё

Вальбуэна нарадзіўся ў паўднёва-заходняй камуне Бружэс у дэпартамэнце Жыронда, ягоную маці клічуць Брыджыт, а бацьку — Карляс^[11]. Ён мае гішпанскае паходжаньне праз свайго бацьку, які родам з гораду Вальядалід.