Мат’ё Дэбюшы

Мат’ё Дэбюшы (па-француску: Mathieu Debuchy; нар. 28 лістапада 1985 году, Фрэтэн, Францыя) — колішні францускі футбаліст, які гуляў на пазыцыі абаронцы. Былы гулец нацыянальнай зборнай Францыі.

Мат’ё Дэбюшы
Пэрсанальная інфармацыя
Нарадзіўся	28 ліпеня 1985(1985-07-28)[1] (40 гадоў) Фрэтэн[d]
Рост	176 см
Вага	74 кг
Пазыцыя	задні абаронца
Клюбы
Гады	Клюб	Гульні (галы)¹
2003—2013	Ліль	233 (16)
2013—2014	Ньюкасл Юнайтэд	43 (1)
2014—2018	Арсэнал Лёндан	13 (1)
2016	→ Бардо	9 (0)
2018—2021	Сэнт-Эт’ен	86 (11)
2021—2023	Валянсьен	53 (1)
Зборныя
2011—2015	Францыя	27 (2)

Клюбная кар’ера

«Ліль»

Мат’ё з раньняга дзяцінства навучаўся ў юнацкай сыстэме «Лілю», дзе правёў амаль 10 гадоў. Пасьля чаго быў запрошаны ў асноўную каманду пасьля зімовага перапынку ў чэмпіянаце Францыі сэзону 2003—2004 гадоў. Ён атрымаў нумар 33. Ягоны дэбют за асноўную каманду адбыўся 31 студзеня 2004 году ў матчы супраць клюбу «Мэц», у рамках чэмпіянату Францыі^[2].

«Ньюкасл Юнайтэд»

4 студзеня 2013 году Дэбюшы перайшоў у ангельскі клюб «Ньюкасл Юнайтэд», падпісаўшы пяці з паловай гадовую дамову да лета 2018 году, за неназваную суму, але як паведамляецца за францускага абаронца ангельцы выплацілі 5,5 млн фунтаў стэрлінгаў^[3][4]. Мат’ё дэбютаваў у складзе новага клюбу 12 студзеня 2013 году ў матчы супраць «Норыдж Сіці»^[5]. Свой першы гол за новы клюб забіў у гасьцявым матчы супраць «Сандэрлэнда» 27 кастрычніка 2013 году, зраўняўшы лік пасьля першага тайма, аднак клюб ўсё ж такі трываў паразу зь лікам 2:1.

«Арсэнал»

17 ліпеня 2014 году Дэбюшы падпісаў доўгатэрміновы кантракт зь лёнданскім «Арсэналам». Як мяркуецца, гэты трансфэр каштаваў «кананірам» каля 12 млн фунтаў стэрлінгаў^[6]. У новым клюбе Мат’ё атрымаў кашулю з нумарам 2. Дэбютаваў у складзе «кананіраў» 10 жніўня ў матчы на Супэркубка Ангельшчыны, дзе «Арсэнал» атрымаў перамогу зь лікам 3:0 над клюбам «Манчэстэр Сіці».

Міжнародная кар’ера

5 жніўня 2010 году Мат’ё быў выкліканы ў асноўную зборную Ляранам Блянам, для ўдзелу ў таварыскім матчы супраць зборнай Нарвэгіі 11 жніўня 2010 году^[7].

2 кастрычніка 2011 году атрымаў чарговы выклік у зборную, паколькі правы абаронца французаў Бакары Санья напярэдадні матчу атрымаў траўму. 7 кастрычніка Мат’ё згуляў свой ​​першы матч за Францыю ў гульні супраць зборнай Альбаніі на «Стад дэ Франс», у якім французы перамаглі зь лікам 3:0^[8].

Дасягненьні

«Ліль»:

• Чэмпіён Францыі: 2011
• Уладальнік Кубка Францыі: 2011
• Уладальнік Кубка Інтэртота: 2004

«Арсэнал»:

• Уладальнік Кубка Ангельшчыны: 2015
• Уладальнік Супэркубка Ангельшчыны: 2014, 2015