Мужчынская зборная Даніі па хакеі

Збо́рная Да́ніі па хаке́і — нацыянальная хакейная каманда Даніі. У рэйтынгу ІІХФ за 2014 год знаходзіцца на 15 месцы^[1]. Кіроўны орган — Дацкі хакейны зьвяз; галоўным трэнэрам зьяўляецца швэдзкі спэцыяліст Янэ Карлсан.

Данія
Фэдэрацыя	Дацкі хакейны зьвяз
Мэнэджар	Кім Пэдэрсэн
Трэнэр	Янэ Карлсан
Капітан	Мортэн Грын
Найбольш гульняў	Еспэр Дамгор (256)
Найбольш пунктаў	Енс Нільсэн (241)
Рэйтынг ІІХФ	15
Максымум ІІХФ	12 (2007)
Мінімум ІІХФ	14 (2003)
Колеры
Форма
Першая гульня
Канада  47:0  Данія (Стакгольм, Швэцыя — 12 лютага 1949)
Найбуйнейшая перамога
Данія  27:4  Бэльгія (Капэнгаген, Данія — 18 сакавіка 1977)
Найбуйнейшая параза
Канада  47:0  Данія (Стакгольм, Швэцыя — 12 лютага 1949)
Чэмпіянаты сьвету
Удзелаў	46 (упершыню ў 1949)
Дасягненьні	8 месца (2010)
Міжнародныя выступы (П—Н—П)
259—355—57

Мінуўшчына

Зборная Даніі ў матчы супраць зборнай Расеі на чэмпіянаце сьвету 2010 году

Дацкі хакейны зьвяз зьяўляецца чальцом ІІХФ з 1946 году, аднак упершыню дацкая нацыянальнай каманда прыняла ўдзел у чэмпіянаце сьвету ў 1949 годзе, дзе заняла апошняе 10 месца. На тым турніры ў самым першым матчы датчане былі цалкам зьнішчаны канадцамі зь лікам 0:47. Пасьля гэтага 10 гадоў краіна не ўдзельнічала ў спаборніцтвах. Ад 1962 году выступала ў ніжэйшых дывізіёнах. У 2003 годзе, пасьля знаходжаньня ў ніжэйшых дывізіёнах, зборная Даніі вярнулася ў эліту сусьветнага хакея і з тых часоў нязьменна выступае ў вышэйшым дывізіёне чэмпіянату сьвету. Аднак зборнай ніводнага разу не атрымалася прабіцца ў лік удзельнікаў Алімпійскіх гульняў. Найвышэйшым лічыцца 8 месца, якое каманда заняла ў 2010 годзе, прычым у той год датчане перагулялі зборныя Фінляндыі, ЗША й Славаччыны.