Мышанскі замак

Мышанскі замак — помнік гісторыі і абарончай архітэктуры ў Мышы. Знаходзіўся на правым беразе ракі Мышанкі, каля сучаснай вёскі Старой Мышы. Існаваў у XVI—XVII стагодзьдзях.

Помнік абарончай архітэктуры
Мышанскі замак
Краіна	Беларусь
Вёска	Старая Мыш
Дата заснаваньня	XVI ст.
Дата скасаваньня	1654
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Мышанскі замак на Вікісховішчы

Гісторыя

Драўляны замак у Мышы збудаваў ў XVI ст. Ян Караль Хадкевіч. Фартэцыя значыцца на мапе Вялікага Княства Літоўскага XVI ст. Замак знаходзіўся на важным стратэгічным шляху — Варшаўскім гасьцінцы — і быў асноўнай перашкодай на шляху ворага.

За часамі вайны Маскоўскай дзяржавы з Рэччу Паспалітай (1654—1667) замак узялі і разам зь мястэчкам спалілі маскоўскія войскі. Як даносілі захопнікі свайму гаспадару^[1]:

	У горадзе Мышы літоўскіх людзей усіх забілі, якіх засьпелі, і языкоў узялі многіх людзей. І мястэчка Мыш выпалілі і з усім спустошылі дашчэнту. Арыгінальны тэкст  (рас.) В городе Мыши литовских людей всех побили, которых зостали, и языков взяли многих людей. И городок Мышь выжгли и со всем разорили без остатку.

Архітэктура

Займаў квадратную ў пляне пляцоўку памерам 50 на 50 мэтраў, абнесеную з усходу, поўдня і захаду земляным валам (шырынёй каля 15, вышынёй 3,5—4 м) і абарончым ровам (шырынёй 30, глыбінёй да 15 м, адхоны берагоў 45°), з поўначы ахоўваўся дрыгвяністым берагам ракі. На земляным вале і на паўночным краі замка былі драўляныя сьцены з 4 вежамі ў кутох^[2].

Галерэя

• Сучасны стан
• 
  Памятны камень
• 
  Валы
• 
  Валы
• 
  Бярозы на валах