Мэльхіёр Станіслаў Савіцкі

Мэльхіёр Станіслаў Саві́цкі гербу «Халева»^[1] (? — 4 студзеня 1668, Берасьце) — кашталян берасьцейскі (1652—1666), ваявода берасьцейскі (1666—1668), сакратар каралеўскі, навуковец і паэт.

Мэльхіёр Станіслаў Савіцкі

Melchior Stanisław Sawicki
Халева
13-ы кашталян берасьцейскі
1652 — 1666
Папярэднік	Францішак Аляксандар Копаць
Наступнік	Крыштап Пякарскі
16-ы ваявода берасьцейскі
1666 — 1668
Папярэднік	Якуб Тэадор Кунцэвіч
Наступнік	Крыштап Пякарскі
Асабістыя зьвесткі
Памёр	4 студзеня 1668 Берасьце
Род	Савіцкія гербу «Халева»
Бацькі	Альбрэхт Савіцкі Катарына
Жонка	Ганна Пякарская
Дзеці	Антоні Савіцкі Караль Пётар Савіцкі Дамінік Казімер Савіцкі Крыштаф Марцін Савіцкі Катарына Шуйская Эмэрцыяна Савіцкая
Дзейнасьць	паэт

Вікіпэдыя мае артыкулы пра іншых асобаў з прозьвішчам Савіцкі.

Жыцьцяпіс

Быў сынам Альбрыхта і Катарыны. Бацька, сын старосты мельніцкі, пераехаў з Падляшша на Жамойць. Мэльхіёр Станіслаў атрымаў грунтоўную адукацыю ў Віленскай акадэміі і званьне доктара багаслоўя.

У 1648 року браў удзел у элекцыйным сойме ад Жамойцкага княства^[2]. Галасаваў за Яна Казімера Вазу, абранага каралём. Стаў каралеўскім сакратаром. У 1652—1666 пасьлядоўна быў лоўчым мельніцкім, старостам гарадзенскім і кашталянам берасьцейскім.

У 1655 року бараніў Берасьцейскі замак ад маскоўскіх войскаў пад даводзтвам Урусава і Баратынскага^[3].

У часе Швэдзкага патопу бараніў Берасьце да 1657 року, пакуль да места не прыйшлі аб’яднаныя швэдзка-сяміградзкія Караля Густава і Дзёрдзя Ракоці. Аблога трывала з 7 да 23 траўня.

У 1662 року прызначаны камісарам па ацэнцы ўрону, спрычыненага вайсковымі дзеяньнямі ў Вялікім Княстве Літоўскім. Ад 1666 року ваявода берасьцейскі. Забіты ў часе сойміку ваяводзтва^[1].

Творы

• Cienie żałobne po jasnych promieniach (вершы; Вільня, 1640)
• Primitiae honorum B. Josephato Kuncewicz Archiep. Poloc. (Вільня, 1643)
• Żałoba białych lilij Tryzniańskich (Вільня, 1643)

Сям’я

Жонка — Ганна, дачка Крыштапа Пякарскага.

Дзеці:

• Антоні, езуіт
• Караль Пётар, езуіт
• Дамінік Казімер
• Крыштаф Марцін
• Катарына, жонка Яна Юрыя Шуйскага
• Эмэрцыяна, манашка-брыгітка