Мёрскае возера

Мёрскае — возера ў Беларусі, у басэйне ракі Мёрыцы. Знаходзіцца ў межах Мёраў. Належыць да групы Абстэрнаўскіх азёр. Плошча паверхні возера 1,15 км². Даўжыня 3,49 км, найбольшая шырыня 0,63 км. Найбольшая глыбіня дасягае 13,2 м, сярэдняя складае 4,5 м. Аб’ём вады 5,24 млн м³ Даўжыня берагавой лініі 8,8 км.

Возера Мёрскае Панарама Мёрскага возера Возера Мёрскае Краіна Беларусь Плошча 1,15 км² Плошча вадазбору 63,6 км² Максымальная глыбіня 13,2 м Сярэдняя глыбіня 4,5 м Найбольшая даўжыня 3,49 км Найбольшая шырыня 0,63 км Даўжыня берагавой лініі 8,8 км Вышыня над узроўнем мора 139 м[1] Аб’ём вады 5,24 млн м³ Каардынаты 55°37′2.75″ пн. ш. 27°36′49.65″ у. д. Мёрскае на мапе Беларусі Мёрскае

Галерэя здымкаў у Вікісховішчы

Апісаньне

Возера Мёрскае

Катлавіна лагчыннага тыпу, выцягнутая з захаду на ўсход. Схілы маюць вышыню 6—9 мэтраў, пераважна разараныя, месцамі знаходзяцца пад хмызьняком. Берагі пясковыя, на поўдні і на захадзе знаходзяцца пад хмызьняком, на паўднёвым усходзе забалочаныя. Мелкаводзьдзе пясковае, глыбакаводная зона высьцілаецца глеем.

Мае выспу, якая знаходзіца ў заходнім плёсе возера. Плошча выспы складае 0,044 км². Цэнтральны і заходні плёсы разьдзяляюцца дамбай.

Возера эўтрофнае, слабапраточнае. Злучаецца пратокай з возерам Асінаўкай.

Зарастае каля траціны плошчы. Расьліннасьць пашыраецца да глыбіні 1,8—2 м.

Флёра і фаўна

У возеры водзяцца шчупак, лешч, акунь, карась, плотка, верхаводка ды іншыя віды рыбаў^[2].