Мікалай Бранфілаў

Мікала́й Бранфі́лаў (нар. 16 сьнежня 1977 году, Менск, БССР) — беларускі футбаліст і футбольны трэнэр. Зь лютага 2022 году ўваходзіць у трэнэрскі штаб клюбу «Энэргетык-БДУ».

Мікалай Бранфілаў
Пэрсанальная інфармацыя
Нарадзіўся	16 сьнежня 1977(1977-12-16)[1] (47 гадоў) Менск, БССР, СССР[2]
Рост	190 см
Вага	86 кг
Пазыцыя	абаронца
Клюбы
Гады	Клюб	Гульні (галы)¹
1994—1995	Менск-2	20 (0)
1996—1997	БАТЭ	34 (2)
1998—1999	Менск-2	39 (8)
2000—2002	Тарпэда Менск	37 (0)
2003—2004	Вісла Плоцк	27 (1)
2005	Радомяк Радам	32 (3)
2006	Падбэскідзе	15 (2)
2006	Тарпэда-БелАЗ	10 (0)
2007	Гомель	12 (0)
2007—2008	Шахцёр Салігорск	37 (4)
2009	Тарпэда-БелАЗ	11 (0)
2010—2012	Белшына	77 (7)
2013	Нафтан	1 (0)
Зборныя
2004	Беларусь	2 (0)
Трэнэрскія клюбы
2014—2015	Тарпэда Менск
2016	Клецак
2017	Асіпавічы
2019	Граніт
2020—2021	Ворша

Кар’ера

Клюбная

Футболам пачаў займацца ў восем гадоў у менскім клюбе «Зьмена», за які выступаў у чэмпіянаце Беларусі па футболе. З 2003 па 2004 гады гуляў у складзе іншага менскага клюбу — «Тарпэда-МАЗ», стаўшы гульцом асноўнага складу каманды й капітанам клюбу. Пасьля пасьпяховых сэзонаў у «Тарпэда» быў заўважаны польскімі сэлекцыянэрамі й быў запрошаны ў Польшчу, дзе гуляў за розныя польскія футбольныя клюбы. У 2006 годзе вярнуўся ў Беларусь і да пачатку 2010 году знаходзіўся ў структуры розных айчынных клюбаў, ня здолеўшы, аднак, вытрымаць канкурэнцыі ні ў водным зь іх.

У сьнежні 2009 году падпісаў кантракт з бабруйскай «Белшынай»^[3]. У студзені 2013 году стала вядома, што Мікалай перайшоў у склад наваполацкага «Нафтану»^[4][5]. У верасьні 2013 году завяршыў кар’еру^[6].

Міжнародная

Дэбют за нацыянальную зборную Беларусі адбыўся 19 лютага 2004 году ў матчы Кубка кіпрскай футбольнай асацыяцыі супраць зборнай Румыніі (0:2). Усяго Бранфілаў правёў за зборную 2 матчы.

Трэнэрская праца

Па заканчэньні прафэсійнай кар’еры некаторы час выступаў на аматарскім узроўні, а ў пачатку 2014 году прыняў прапанову ачоліць менскае «Тарпэда»^[7]. Вывеў сталічны клюб у Першую лігу паводле вынікаў сэзону 2015 году. У пачатку 2016 году стала вядома, што Бранфілаў пакінуў пасаду галоўнага трэнэра аўтазаводцаў^[8].

У 2016 годзе працаваў галоўным трэнэрам клюбу «Клецак»^[9], які прывёў да трэцяга месца ў Другой лізе 2016 году, аднак каманда адмовілася пераходзіць у Першую лігу. У сакавіку 2017 году быў прызначаны галоўным трэнэрам «Асіпавічаў»^[10], але ўжо ў красавіку пакінуў каманду і перайшоў у трэнэрскі штаб клюбу «Энэргетык-БДУ»^[11]. У студзені 2019 году прызначаны галоўным трэнэрам мікашэвіцкага «Граніту»^[12]. Пакінуў «Граніт» у чэрвені 2019 году^[13]. У кастрычніку 2020 года ачоліў «Воршу»^[14]. Пакінуў пасаду галоўнага трэнэра ў верасьні 2021 году^[15].

Дасягненьні

• Бронзавы прызэр чэмпіянату Беларусі: 2007

Асабістае жыцьцё

Жанаты, мае дачку й двух сыноў^[16]. Зьяўляючыся дзейным гульцом Мікалай атрымаў трэнэрскі дыплём катэгорыі «В»^[17].