Мікалай Лазавік

Мікала́й Іва́навіч Лазаві́к (18 студзеня 1951, в. Невіняны, Вялейскі раён, Менская вобласьць — 7 лістапада 2016, Менск) — беларускі палітык.

Мікалай Лазавік
дэпутат Вярхоўнага Савету Рэспублікі Беларусі[d]
9 студзеня 1996 — 9 студзеня 2001
Асабістыя зьвесткі
Нарадзіўся	18 студзеня 1951(1951-01-18) Невіняны, Даўгінаўскі сельсавет, Крывіцкі раён, Маладэчанская вобласьць, БССР, СССР
Памёр	5 лістапада 2016(2016-11-05) (65 гадоў) Менск, Беларусь
Адукацыя	Беларускі дзяржаўны аграрны тэхнічны ўнівэрсытэт[d] БДУ

Вікіпэдыя мае артыкулы пра іншых асобаў з прозьвішчам Лазавік.

Біяграфія

Быў дэпутатам Вярхоўнага Савету Рэспублікі Беларусь 13-га скліканьня (1995—1996), уваходзіў у склад Палаты прадстаўнікоў Нацыянальнага сходу Рэспублікі Беларусь 1-га скліканьня^[1].

З 2000 году займаў пасаду сакратара Цэнтрвыбаркама. Паводле стану здароўя быў вызвалены ад гэтай пасады 17 кастрычніка 2016 году.

Памёр 5 лістапада 2016 году. Пахаваны на Паўночных могілках Менску.

Санкцыі

З 2006 году, пасьля прэзыдэнцкіх выбараў 2006 году, якія Эўрапейскім Зьвязам былі прызнаны недэмакратычнымі, быў у Чорным сьпісе Эўразьвязу^[2]. Санкцыі неаднаразова падаўжаліся да 2016 году.

Таксама Лазавік знаходзіўся ў Сьпісе спэцыяльна вызначаных грамадзянаў і заблякаваных асобаў ЗША^[3].