Мікалай Мікулік

Мікала́й Алякса́ндравіч Міку́лік (*26 сакавіка 1932, вёска Зарэчча, цяпер у Пружанскім раёне Берасьцейскай вобласьці) — беларускі навукоўца ў галіне прыкладной матэматыкі. Доктар тэхнічных навук (1992), прафэсар (1991). Заслужаны працаўнік адукацыі Беларусі (1995).

Мікалай Мікулік
Дата нараджэньня	26 сакавіка 1932(1932-03-26) (93 гады)
Месца нараджэньня	Зарэчча, Пружанскі павет, Польшча
Месца вучобы	Беларускі дзяржаўны ўнівэрсытэт
Занятак	матэматык
Навуковая сфэра	прыкладная матэматыка
Месца працы	Беларускі нацыянальны тэхнічны ўнівэрсытэт
Навуковая ступень	доктар тэхнічных навук[d]
Узнагароды	Заслужаны працаўнік адукацыі Рэспублікі Беларусь (1995)

Жыцьцяпіс

У 1956 року скончыў БДУ, працаваў настаўнікам, дырэктарам сярэдняй школы ў вёсцы Глівін Барысаўскага раёну Менскай вобласьці. Ад 1957 — лябарант, асыстэнт, старэйшы выкладчык у Беларускім дзяржаўным політэхнічным інстытуце. У 1975—1998 і 1999—2010 — загаднік катэдры вышэйшай матэматыкі машынабудаўнічага профілю БДПА (цяпер БНТУ).

Аўтар больш за 350 навуковых і навукова-мэтадычных дапаможнікаў, у тым ліку 10 навучальных дапаможнікаў, дзьвюх манаграфіяў, двух вынаходніцтваў і трох патэнтаў.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 10: Малайзія — Мугаджары. — 544 с. — ISBN 985-11-0169-9 — С. 365

Вонкавыя спасылкі

• Хто ёсьць хто ў Рэспубліцы Беларусь(недаступная спасылка) (рас.)
• Катэдра вышэйшай матэматыкі №1 ФІТР БНТУ (рас.)