Зарэчча (Пружанскі раён)

Зарэ́чча^[2] — вёска ў Пружанскім раёне Берасьцейскай вобласьці. Уваходзіць у склад Велікасельскага сельсавету. Знаходзіцца за 12 км на захад ад Пружанаў, 24 км ад чыгуначнай станцыі Аранчыцы на лініі Баранавічы — Берасьце.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Зарэчча.

Зарэчча
трансьліт. Zarečča
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Велікасельскі
Насельніцтва:	48 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225177[1]
СААТА:	1256860011
Нумарны знак:	1
Геаграфічныя каардынаты:	52°31′47″ пн. ш. 24°15′21″ у. д.
Зарэчча на мапе Беларусі ± Зарэчча Зарэчча

Мінуўшчына

За расейскім часам — у Міхайлаўскай воласьці Пружанскага павету Гарадзенскай губэрні. 368 дзесяцінаў зямлі, царква, 2 капліцы; фальварак Гансоўскіх 530 дзесяцінаў^[3].

За польскім часам — у гміне Шарашоў Пружанскага павету Палескага ваяводзтва^[4]. Паводле перапісу 30 верасьня 1921 року 50 дамоў, 292 жыхары.

З 1939 року ў складзе БССР. З 15 студзеня 1940 — у Шарашоўскім, з 17 сьнежня 1956 — у Пружанскім раёнах Берасьцейскай вобласьці. 1 сьнежня 2009 году перададзеная зь ліквідаванага Старавольскага ў склад Велікасельскага сельсавету^[5].

Насельніцтва

• XX стагодзьдзе: 1959 год — 421 жыхар (перапіс); 1970 год — 366 жыхароў; 1999 год — 116 жыхароў
• XXI стагодзьдзе: 2003 год — 95 жыхароў, 62 двары; 2005 год — 90 жыхароў, 58 двароў^[6]; 2010 год — 48 жыхароў

Транспарт

Аўтадарога Н530 Перадзельск — Лазоўка^[7].

Асобы

• Мікалай Мікулік — беларускі навуковец у галіне прыкладной матэматыкі