Мільянарыяс Багата

«Мільяна́рыяс» (па-гішпанску: Millonarios) — калюмбійскі футбольны клюб з гораду Багаты. Гэта адзін з самых пасьпяховых і знакавых клюбаў краіны, які ёсьць адным з самых папулярных ня толькі ў Калюмбіі, але і ў Паўднёвай Амэрыцы. З моманту свайго стварэньня ў 1948 годзе «Мільянарыяс» браў удзел у розыгрышы чэмпіянату Калюмбіі. Галоўнымі супернікамі клюбу з Багаты ёсьць «Індэпэнд’ентэ Санта-Фэ», «Атлетыка Насьяналь» ды калійскія клюбы «Дэпартыва» і «Амэрыка». Свой першы тытул каманда здабыла ў 1949 годзе і паўтарыла свой посьпех у некалькі наступных гадах. У той час за багатыйцаў гуляў знакаміты аргентынскі нападнік Альфрэда Дзі Стэфана.

Мільянарыяс
Поўная назва	Azul y Blanco Millonarios Fútbol Club S.A.
Заснаваны	18 чэрвеня 1946
Горад	Багата, Калюмбія
Стадыён	Эль-Кампін Умяшчальнасьць: 36 343
Чэмпіянат	Прымэра А
· 2024	3 месца
Галерэя здымкаў у Вікісховішчы millonarios.com.co (гішп.)

Гісторыя

У 1937 годзе група навучэнцаў з прыватнай каталіцкай школы імя Сан-Барталямэ, якая месьцілася ля пляцу Балівара ў гістарычным цэнтры сталіцы, пастанавіла стварыць футбольную каманду з мэтай гуляць матчы супраць камандаў зь іншых частак гораду. Свае першыя матчы дружына ладзіла на тэрыторыі маёнтку Ля-Мэрсэд, які належыў школе ў той час. Частка гульцоў мелася назваць каманду «Ўніён Хувэнтуд» (бел. Моладзевы зьвяз), але іншая частка аддавала перавагу назьве «Ўніён Багатана» (бел. Багатыйскі зьвяз). Гульцы вырашылі чаргаваць назву ад матчу да матчу, але, у рэшце рэшт, яны спыніліся на назве «Хувэнтуд Багатана», якая спалучала абодва варыянты.

Цягам годам клюб набыў папулярнасьць і быў запрошаны на міжнародныя гульні ў Панаму ў якасьці нацыянальнай зборнай Калюмбіі. На гэтых гульнях краінаў Цэнтральнай Амэрыкі і Карыбскага басэйну каманда здабыла бронзавыя мэдалі. У 1939 годзе за клюб гулялі тры аргентынскія футбалісты, што стала першым выпадкам, калі замежнікі абаранялі колеры клюбу з Багаты. У 1946 годзе клюб аб’яднаўся з клюбам «Дэпартыва Мунісыпаль», у выніку чаго ўтварыўся «Мільянарыяс». Клюб вельмі значна скарыстаўся страйкам футбалістам у аргентынскім футболе ў 1948 годзе, гэтак да каманды далучыліся Альфрэда Дзі Стэфана, Альфрэда Пэдэрнэра, Нэстар Росі ды іншыя. Акрамя некалькіх перамог у нацыянальным першынстве «Мільянарыяс» у сакавіку 1952 году наведаў Гішпанію, дзе на Сант’яга Бэрнабэў выгулялі мадрыдзкі «Рэал» зь лікам 4:2^[1][2]. На думку некаторых адмыслоўцаў гэтая калюмбійская каманда была найлепшай у сьвеце напачатку 1950-х гадоў.

Дасягненьні

• Чэмпіён Калюмбіі: 16

1949, 1951, 1952, 1953, 1959, 1961, 1962, 1963, 1964, 1972

1978, 1987, 1988, 2012–II, 2017–II, 2023–I

• Уладальнік Кубка Калюмбіі: 3

1953, 2011, 2022

• Пераможца Супэрлігі Калюмбіі: 2

2018, 2024

Склад

Актуальны на 20 ліпеня 2025 году

№ Пазыцыя Імя Год нараджэньня 4 Аб Хуан Паблё Варгас 1995 6 Аб Сэрхіё Маскера  1994 8 ПА Дэвар Вікторыя  2001 12 Бр Дыега Навоа  1989 13 Аб Элібэльтан Палясіяс  (ар. Крузэйру) 1993 14 ПА Давід Сыльва  (капітан) 1986 17 Аб Хорхэ Арыяс  1992 18 Нап Даніель Руіс Рывэра  2001 20 Аб Дановіс Бангера  1989 21 ПА Хуан Карляс Пэрэйра  1993 22 Аб Дэльвін Альфонса  2000 23 Нап Леанарда Кастра  1992 26 Аб Андрэс Льінас  1997 27 Аб Нікаляс Гіральда  1993 28 ПА Стывэн Вэга  1998

№ Пазыцыя Імя Год нараджэньня 29 Аб Алекс Марэна  2002 32 Нап Сант’яга Джардана  1995 33 ПА Нікаляс Арэвалё  2003 34 Аб Сандэр Навара  2003 37 Аб Джоан Эрнандэс  2006 43 Нап Люіс Марымон  2004 88 Нап Нэйсэр Вільярэал  2005 — Бр Гільерма дэ Аморэс  1994 — Аб Самуэль Аспрыльля 2003 — Нап Бэкгэм Кастра  2003 — Нап Эдвін Маскера  (ар. Атланта Юн.) 2001 — Нап Крыстыян Каньясалес 1999 — Нап Раміра Брачэра 2000 — Нап Алекс Кастра  1994 — Нап Хуан Карвахаль  2003