Мінчук

«Мінчу́к», таксама «Мянчу́к»^[1] — кніжнае таварыства. Заснаванае 14 сьнежня 1906 году ў Менску на каапэратыўнай аснове для выданьня й распаўсюджваньня беларускіх кніг і газэтаў. Заснавальнікі — Антон Шабуня, Уладзімер Самойла, Сяргей Скандракоў і іншыя. Разам з выдавецтвам «Наша Ніва» кніжнае таварыства «Мінчук» выдала ў 1907 годзе кірыліцай і лацінкай апавяданьне Элізы Ажэшкі «Гедалі». Рыхтавала да друку «Жалейку» Янкі Купалы. Спыніла дзейнасьць праз адсутнасьць сродкаў.