Міранка (заказьнік)

«Міра́нка» — рэспубліканскі водны заказьнік Беларусі, створаны пастановай Кабінэту Міністраў РБ ад 25 верасьня 1996 году №632^[1] у мэтах стабілізацыі гідралягічнага рэжыму рэк Нёман і Вуша.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Міранка (неадназначнасьць).

Міранка
Плошча	3548,74 га
Краіна	Беларусь
Геаграфічныя каардынаты	53° пн. ш. 26° у. д. / 53; 26
Месцазнаходжаньне	Карэліцкі раён
Утварэньне	25 верасьня 1996 (28 гадоў таму)
Міранка на мапе Беларусі Міранка

Межы

Заказьнік агульнай плошчай 3107 га месьціцца ў Карэліцкім раёне Гарадзенскай вобласьці на землях ляснога фонду ў кварталах № 1—16, 19, 20, 77—81 Мірскага лясьніцтва (1840 га) і ў кварталах № 68—81 Ярэміцкага лясьніцтва (1267 га) Наваградзкага лясгасу.

Межы заказьніку: на поўначы ад заходняга кута квартала № 68 Ярэміцкага лясьніцтва ва ўсходнім кірунку па межах кварталаў № 68—71, 74, 76, 81 гэтага лясьніцтва; на ўсходзе па межах кварталаў № 4, 5, 9, 12, 16, 20 Мірскага лясьніцтва; на поўдні па межах кварталаў № 20, 19, 14, 13, 7, 8, 1, 78, 79, 81, 80 Мірскага лясьніцтва; на захадзе па межах кварталаў № 80, 77, 6, 78, 1 Мірскага лясьніцтва, кварталаў № 77, 78, 75, 73, 72, 69, 68 Ярэміцкага лясьніцтва да заходняга кута кварталу № 68 гэтага лясьніцтва.