Міраслаў Гермашэўскі

Мірасла́ў Гермашэ́ўскі (па-польску: Mirosław Hermaszewski; нарадзіўся 15 верасьня 1941, вёска Ліпнікі, Кастапольскі павет, Генэральная акруга Валынь-Падольле, Райхскамісарыят Украіна, цяпер у Бярэзнаўскім раёне Ровенскай вобласьці Ўкраіны — памёр 12 сьнежня 2022 году ў Варшаве) — першы і пакуль што адзіны польскі касманаўт, брыгадны генэрал (1988). Герой Савецкага Саюзу (1978).

Міраслаў Гермашэўскі
Імя ў арыгінале	Mirosław Hermaszewski
Нарадзіўся	15 верасьня 1941 вёска Ліпнікі, Кастапольскі павет, Генэральная акруга Валынь-Падольле, Райхскамісарыят Украіна
Памёр	12 сьнежня 2022 Варшава
Прафэсіі	касманаўт-дасьледнік
Воінскае званьне	брыгадны генэрал
Час на арбіце	7 дз, 22 г, 2 хв, 59 сэк
Экспэдыцыі	Саюз-30
Эмблемы місіяў
Узнагароды	Мэдаль Залатая Зорка Ордэн Крыж Грунвальду 1 клясы Крыж камандорскі ордэна Адраджэньня Польшчы Ордэн Залаты Крыж Заслугі Ордэн Леніна Ордэн Усьмешкі Мэдаль «40-годзьдзе Народнай Польшчы» Залаты мэдаль «Узброеныя сілы на службе Айчыне» Срэбны мэдаль «Узброеныя сілы на службе Айчыне» Бронзавы мэдаль «Узброеныя сілы на службе Айчыне» Залаты мэдаль «За заслугі ў абароне краіны» Срэбны мэдаль «За заслугі ў абароне краіны» Бронзавы мэдаль «За заслугі ў абароне краіны»
Міраслаў Гермашэўскі ў Вікісховішчы

Жыцьцяпіс

Скончыў Дэмблінскую вайсковую авіяцыйную вучэльню (1964) і Вайсковую акадэмію Генэральнага штаба ў Варшаве (1971). Служыў у зьнішчальнай авіяцыі СПА Польшчы.

27 чэрвеня — 5 ліпеня 1978 зьдзейсьніў палёт у якасьці касманаўта-дасьледніка на касьмічным караблі «Саюз-30» і арбітальнай станцыі «Салют-6»; працягласьць палёту 7 сутак 22 гадзіны 2 хвіліны 59 сэкундаў.

У 1981 року, пасьля ўвядзеньня ў Польшчы ваеннага становішча, уваходзіў у склад Ваеннае рады нацыянальнага выратаваньня. У 1982 скончыў Ваенную акадэмію Генэральнага штаба імя К. Я. Варашылава ў Маскве. У тым жа годзе быў прызначаны начальнікам польскае лётнае вучэльні «Школа арлянятаў». Затым быў намесьнікам начальніка Галоўнае палітычнае ўправы польскай арміі і служыў на гэтай пасадзе да 1988 року, калі палітычныя органы ў польскай арміі былі скасаваныя. З 1988 па 1991 служыў камэндантам (начальнікам) Вышэйшай афіцэрскай лётнай школы ў Дэмбліне. Зьяўляўся намесьнікам камандуючага ВПС і СПА Польшчы.

З 2000 году — брыгадны генэрал у адстаўцы. На грамадзкіх пачатках займаецца прапагандай касманаўтыкі.

Ушанаваньне памяці

У 1978 року была выбітная памятная манэта наміналам 20 злотых з выявай першага польскага касманаўта^[1].

У 1988 року ў Віцебску ўсталяваны помнік беларускаму касманаўту Пятру Клімуку і першаму касманаўту Польшчы Міраславу Гермашэўскаму^[2].