Міхайла Гайлігінавіч

Міхайла Гайлігінавіч (? — па 1458) — дзяржаўны дзяяч Вялікага Княства Літоўскага, староста дарагічынскі (1445—1448).

Міхайла Гайлігінавіч
лац. Michajła Gajliginavič / Hajlihinavič

Герб «Лебедзь»
Асабістыя зьвесткі
Памёр	па 1458
Бацькі	Андрэй Гайлігін
Жонка	Соф'я
Дзеці	Жыгімонт

Вотчынным уладаньнем была Ваверка ў Лідзкім павеце, меў бэнэфіцыйныя маёнткі ў Дарагічыне.

Імя

Асноўныя артыкулы: Імёны ліцьвінаў і Гайлігін

Варыянты імя ў гістарычных крыніцах: Пану Михаилу Коликиновичу озеро Орлои (9 лістапада 1449 году)^[1]; recordii Michaelis Golgynovicz… Michael, Suczko, Dil Andreas germani Golginoviczi (Michael Golgynovicz^[2]; 1463—1467 гады)^[3]; recordii Michaelis Golgynowicz… Michael, Svthko, Dyl Andreas germani Golgynowicz (29 траўня 1479 году)^[4]; Michael Goligin (Ян Длугаш)^[5]; Вышково а Мукободы небощику пану Михаилу Кголикгиновичу (29 кастрычніка 1486 году)^[6]; Михаило Кголикгиновичъ (1496 год)^[7].

Біяграфія

Зь літоўскага баярскага роду, сын Андрэй Гайлігіна гербу «Лебедзь». Меў братоў Алехну Дыля, Андрэя і Сутку.

У 1445—1448 гадох быў старостам дарагічынскім. Магчыма, каля 1435 году быў старостам бельскім. У час канфлікту 1440 году быў на баку Міхала Жыгімонтавіча, заняў ад яго імя Троцкі замак. Пазьней перайшоў на бок Казімера.

Ажаніўся з Соф’яй (нявысьветленага паходжаньня). У шлюбе меў сына Жыгімонта.

Разам з братамі фундаваў касьцёл у Ваверцы, які падтрымліваўся іх нашчадкамі. У 1458 годзе фундаваў касьцёл у Будзішыне на Падляшшы^[2].