Міхал Анемпадыстаў

Міхал Уладзімеравіч Анемпадыстаў (16 сакавіка 1964, Менск — 23 студзеня 2018^[2]) — беларускі дызайнэр, графік, фатограф, паэт, перакладчык і публіцыст.

Міхал Анемпадыстаў лац. Michał Aniempadystaŭ
Род дзейнасьці	дызайнэр, графік, фатограф, паэт, перакладчык і публіцыст
Дата нараджэньня	16 сакавіка 1964(1964-03-16)
Месца нараджэньня	Менск, БССР, СССР
Дата сьмерці	23 студзеня 2018(2018-01-23) (53 гады)
Месца сьмерці	Менск, Беларусь
Месца пахаваньня	Чыжоўскія могілкі[d]
Месца вучобы	Менскі дзяржаўны мастацкі каледж імя Аляксея Глебава[1]
Занятак	перакладнік, паэт, графічны дызайнэр
Сябра ў	Беларуская сьпеўна-драматычная майстроўня
Сайт	mihail-anempodistov.arxip.com
Міхал Анемпадыстаў у Вікісховішчы

Навучаўся ў Менскай мастацкай вучэльні (1979—1983). Служыў у войску^[3]. Удзельнічаў у аб’яднаньні Беларуская Майстроўня. З 1989 па 1994 працаваў мастацкім рэдактарам у часопісе «Бярозка». З 1997 году зьяўляўся сябрам Беларускага Саюза Дызайнэраў, а з 2011 сябрам яго праўленьня. Сябра Беларускага ПЭН-клюбу ад 2009. Працаваў у жанрах ужытковай графікі, ілюстрацыі, пляката, фатаграфіі. Удзельнічаў у калектыўных і пэрсанальных выставах за мяжой і на Беларусі.

Міхал Анемпадыстаў быў адным з актыўных стваральнікаў беларускай рок-паэзіі 90-х. Аўтар ідэі і тэкстаў (апроч двух народных) культавага музычнага праекту «Народны альбом», які выйшаў у 1997 годзе і быў абраны «альбомам году» («Рок-каранацыя»). Песьні на вершы Міхала Анемпадыстава выконваюцца гуртамі «Новае Неба», «N.R.M.», «IQ48», Касяй Камоцкаю^[4]. Аўтар перакладаў тэкстаў польскіх гуртоў «Brygada Kryzys», «Republika», «Chłopcy z placu broni», «Perfekt», а таксама Марка Грэхуты. У 2006 годзе Міхал Анемпадыстаў быў абраны «Чалавекам году» па вэрсіі інтэрнэт-парталу «Tuzin.fm»^[5].

Кнігі

• Атэкстацыі. (Паэтычны зборнік). — Менск: Ковчег, 1998. — 52 с. ISBN 985-6056-14-4.
• Narodny Album: scenariusz / Народны альбом: п’еса. /У сааўтарстве зь Лявонам Вольскім. Іл. М. Анемпадыстава. Białystok: «Kartki» 2000. ISBN 83-913832-2-9. /Двухмоўнае выданьне з паралельным польскім тэкстам, перакладчыкі Alina, Mikołaj Wawrzeniuk.
• Narodny Album. /П’еса, у суаўтарстве зь Лявонам Вольскім. Іл. М. Анемпадыстава. Minsk: «Medisont» 2008. — 92 с., іл. ISBN 978-985-6530-90-9.
• Глыбока-глыбока, на дне філіжанкі кавы. (Паэтычны зборнік). — Мінск: Логвінаў, 2014. — 112 с. ISBN 978-985-562-034-2.
• Колер Беларусі. — Мінск: Логвінаў, 2017. — 196 с., іл. ISBN 978-609-8147-89-6. (1-е выд.); Вільна: Логвінаў, 2018. — 196 с, іл. ISBN 978-609-8213-37-9 (2-е выд.) Наклад 1700 асобнікаў. (Эсэістыка ды здымкі)

• 
  Міхал Анемпадыстаў і Лявон Вольскі у Львове, 2009 г.