Міхал Гедройц

Міхал Гедройц (каля 1425 — 4 траўня 1485) — каталіцкі манах, па сьмерці зваўся блаславёным.

Міхал Гедройц

Міхал Гедройц, фрагмэнт фрэскі
Герб «Кітаўрас»
Асабістыя зьвесткі
Нарадзіўся	1420[1] Гедройцы (мястэчка), Віленскі павет, Віленскае ваяводзтва, Вялікае Княства Літоўскае
Памёр	4 траўня 1485 Кракаў, Польскае Каралеўства
Пахаваны	Касьцёл сьвятога Марка[d]
Род	Гедройцы
Дзейнасьць	сьвятар

У Вялікім Княстве Літоўскім культ М. Гедройца падтрымліваўся прадстаўнікамі роду Гедройцаў і кляштарам у Відзінішках. У наш час ідзе працэс ягонай бэатыфікацыі.

Біяграфія

Міхал Гедройц

З княскага роду Гедройцаў гербу «Кітаўрас», сын Юрыя.

У Быстрыцы ўступіў у ордэн аўгустынаў (братоў ад Пакуты Сьв. Мучанікаў), потым жыў у кляштары таго ж закону ў Кракаве. Навучаўся ў Кракаўскім унівэрсытэце, дзе атрымаў ступень бакаляўра (1465).

Нягледзячы на фізычную нямогласьць (кульгавасьць), быў закрысьціянінам касьцёла Сьв. Марка ў Кракаве. Набыў вядомасьць набожным, аскетычным ладам жыцьця, лічыўся прадказальнікам і цудатворцам^[2].

Пахавалі манаха ў касьцёле Сьв. Марка, дзе ў наш час дзейнічае прысьвечаны яму музэй.