Міхаіл Парэчанкаў

Міхаі́л Яўге́навіч Парэ́чанкаў (нарадзіўся 2 сакавіка 1969 году) — расейскі актор кіно і тэлевядучы. Заслужаны артыст Расейскай Фэдэрацыі. Вядучы тэлешоў «Бітва экстрасэнсаў».

Міхаіл Парэчанкаў
па-расейску: Михаил Евгеньевич Пореченков
Дата нараджэньня	2 сакавіка 1969 (56 гадоў)
Месца нараджэньня	Ленінград, СССР
Грамадзянства	Расея
Месца вучобы	Усерасейскі дзяржаўны ўнівэрсытэт кінэматаграфіі імя Сяргея Герасімава[d]
Занятак	актор, тэлевядучы
Навуковая сфэра	акторства[d][1], кінарэжысура[d][1], кінасцэнарыстыка[d][1] і кінавытворчасьць[d][1]
Узнагароды	Заслужаны артыст Расейскай Фэдэрацыі
IMDb	ID nm0691717
Сайт	xn--80aeiambqffqiehp3ewb.xn--p1ai
Міхаіл Парэчанкаў у Вікісховішчы

Біяграфія

Нарадзіўся ў сям’і вайсковага марака. Да пяці год жыў з бабуляй у Пскоўскай вобласьці, потым — з бацькамі ў Польшчы, дзе вучыўся ў школе-інтэрнаце. Вучыўся ў Талінскай ваенна-палітычнай вучэльні, але ня скончыў яе, бо за парушэньне дысцыпліны быў выключаны за 10 дзён да заканчэньня. Служыў у будаўнічым батальёне ў Савецкім войску. Пасьля службы працаваў у багетнай майстэрні. Паступіў ва Ўсерасейскі дзяржаўны інстытут кінэматаграфіі на курс А. Джыгарханяна, але да канца не давучыўся. У 1991 годзе паступіў у Дзяржаўную акадэмію тэатральнага мастацтва ў Санкт-Пецярбургу на курс Венеяміна Фільштынскага, якую скончыў у 1996 годзе.

Пасьля заканчэньня акадэміі працаваў у тэатры «На Крукавым канале». Потым перайшоў у трупу Акадэмічнага тэатру імя Ленсавету. Выступаў у галоўнай ролі ў спэктаклі «Сірана. Сцэны з Растана» Незалежнага тэатральнага праекту. На сцэне Маскоўскага мастацкага тэатру імя Чэхова дэбютаваў у 2002 годзе ў спэктаклі «Паляваньне на качак» у ролі афіцыянта. У 2003 годзе ўвайшоў у трупу гэтага тэатру. У 2008 годзе балятаваўся на пост старшыні Саюзу кінэматаграфістаў Расеі. Зьяўляецца генэральным прадусарам кінакампаніі «ВВП Альянс».

Праца ў кіно

Зьняўся ў фільмах «9 рота», «1612», тэлесэрыялах «Вуліцы разьбітых ліхтароў», «Агент нацыянальнай бясьпекі».

Асабістае жыцьцё

Міхаіл Парэчанкаў жанаты з мастачкай Вольгай Парэчанкавай. У іх ёсьць дочкі Варвара і Марыя, а таксама сын Міхаіл.

Абвінавачаньні ў тэрарызьме

У кастрычніку 2014 году незаконна перайшоў дзяржаўную мяжу Ўкраіны і наведаў захоплены тэрарыстамі групоўкі ДНР Данецк, дзе разам з баявікамі страляў з кулямёта па пазыцыях украінскіх вайскоўцаў у Данецкім аэрапарту. У студзені 2015 году Служба бясьпекі Ўкраіны абвясьціла Парэчанкава ў вышук за падазрэньні ў зьдзяйсьненьні тэрарыстычнага акту^[2].

Узнагароды

Ляўрэат прэміяў:

• «Залатая маска» (1996)
• «Залаты сафіт»
• «Сузор’е»
• прэміі імя В. Стржэльчыка

Кампутарныя гульні

• 2006 — Інстынкт (сьнежань 2006) — Белы

Тэлебачаньне

• Забароненая зона
• Кулінарны паядынак
• рэаліці-шоў «Бітва экстрасэнсаў» (ТНТ)