Міхаіл Савіцкі

Міхаіл Андрэевіч Савіцкі (18 лютага 1922, в. Зьвянячы Талачынскі раён — 8 лістапада 2010, Менск) — народны мастак Беларусі (1972), народны мастак СССР (1983), правадзейны член АМ Расеі, акадэмік Нацыянальнай АН Беларусі, ляўрэат Дзяржаўнай прэміі СССР (1973), Герой Беларусі (2006).

Вікіпэдыя мае артыкулы пра іншых асобаў з прозьвішчам Савіцкі.

Міхаіл Савіцкі
Дата нараджэньня	18 лютага 1922
Месца нараджэньня	Зьвянячы
Дата сьмерці	8 лістапада 2010 (88 гадоў)
Месца сьмерці	Менск
Месца пахаваньня	Усходнія могілкі
Месца вучобы	Менскі дзяржаўны мастацкі каледж імя Аляксея Глебава (1951) Маскоўскі дзяржаўны акадэмічны мастацкі інстытут імя Сурыкава[d] (1957)[1] Коханаўская сярэдняя школа імя І. П. Кожара[d]
Занятак	маляр
Узнагароды	Ордэн «Знак Пашаны» Ордэн Працоўнага Чырвонага Сьцягу Ордэн Леніна Мэдаль Героя Беларусі Ордэн Францішка Скарыны
Подпіс
Міхаіл Савіцкі ў Вікісховішчы

Кіраўнік дзяржаўнай установы культуры «Творчыя акадэмічныя майстэрні жывапісу, графікі і скульптуры».

Жыцьцяпіс

Нарадзіўся 18 лютага 1922 году ў вёсцы Зьвянячы Талачынскага раёну Віцебскай вобласьці. Бацька Андрэй Пятровіч яшчэ падлеткам працаваў на чыгунцы, калі ажаніўся, набыў дом у Зьвянячах. Маці Ганна Канстанцінаўна была добрай майстрыцай, прала і ткала, прыдумвала неверагодныя арнамэнты^[2].

У 1940 годзе прызваны ў шэрагі Чырвонай Арміі, удзельнічаў у баях за Сэвастопаль. Пры Херсанэсе быў паранены, апынуўся ў канцлягэрох Бухенвальд, Дахаў, Мітэльбаў-Дора.

Пасьля вайны скончыў Менскую мастацкую вучэльню, у 1957 годзе — Маскоўскі мастацкі інстытут імя Сурыкава з адзнакай.

З 1981 году — кіраўнік Творчых акадэмічных майстэрняў жывапісу, графікі і скульптуры.

Памёр 8 лістапада 2010. Пахаваны на Ўсходніх могілках у Менску.

Узнагароды

• Ордэн «Знак Пашаны» (1967)
• Ордэн Працоўнага Чырвонага Сьцяга (1972)
• Ордэн Леніна (1982)
• Ордэн Францішка Скарыны (1997)
• Герой Беларусі (2006)
• Залаты мэдаль Акадэміі мастацтваў (за сэрыю «Чорная быль»)^[3]