Нацыянальны Фронт (Украіна)

Нацыянальны Фронт (па-ўкраінску: Національний Фронт) — блёк палітычных партыяў, які ўдзельнічаў у выбарах у Вярхоўную Раду Ўкраіны 1998 году. Афіцыйна зарэгістраваны Цэнтральнай выбарчай камісіяй Украіны 1 лістапада 1997 году.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Нацыянальны Фронт (неадназначнасьць).

Нацыянальны Фронт Національний Фронт
Лідэр партыі	Леўка Лук’яненка
Дата заснаваньня	1 лістапада 1997
Штаб-кватэра	Кіеў, Украіна
Ідэалёгія	нацыяналізм нацыянал-дэмакратыя кансэрватызм

Стварэньне

Блёк быў створаны трыма правымі партыямі: Канґрэсам украінскіх нацыяналістаў, Украінскай рэспубліканскай партыяй і Украінскай рэспубліканскай кансэрватыўнай партыяй. 12 сьнежня 1997 году Цэнтральная выбарчая камісія Ўкраіны зарэгістравала выбарчы сьпіс блёку, ён налічваў 181 асобу.^[1]

Вынікі на выбарах

За блёк прагаласавала 721 966 выбаршчыкаў, альбо 2,71%, такім чынам блёк ня здолеў атрымаць 4% галасоў, і не атрымаў права ўдзельнічаць у разьдзеле мандатаў. Аднак прадстаўнікі блёку перамаглі ў шасьці аднамандатных акругах, гэта найлепшы вынік сярод тых партыяў, якія не атрымалі месцаў па сьпісе.

Абраныя ў акругах

• Валер Дзіброва, Украінская рэспубліканская партыя, Валынская вобласьць
• Васіль Кашчынец, Кангрэс украінскіх нацыяналістаў, Івана-Франкоўская вобласьць
• Яраслава Стэцько, Кангрэс украінскіх нацыяналістаў, Івана-Франкоўская вобласьць
• Іван Білас, беспартыйны, Львоўская вобласьць
• Ігар Пылыпчук, беспартыйны, Львоўская вобласьць
• Міхал Ратушны, Кангрэс украінскіх нацыяналістаў, Тарнопальская вобласьць