Неверагодны містэр Фокс (фільм)

Невераго́дны мі́стэр Фокс (па-ангельску: Fantastic Mr. Fox) — лялечны мультфільм Ўэса Андэрсана, зьняты па кнізе «Неверагодны містэр Фокс» Роальда Даля (больш вядомага па аповесьці «Чарлі і шакалядная фабрыка»). Гэта першы мультфільм Андэрсана. Прэм’ера адбылася восеньню 2009 году. Займае 15 месца ў сьпісе самых касавых лялечных мультфільмаў.

Неверагодны містэр Фокс
Fantastic Mr. Fox
Жанр	кінакамэдыя, мэлядрама, баявік, сямейны фільм
Рэжысэр	Уэс Андэрсан
Аўтар сцэнару	Роальд Даль Ной Баўмбах
Ролі агучвалі	Джордж Клуні, Мэрыл Стрып, Джэйсан Шварцман, Біл Мюрэй, Уільлем Дэфо
Кампазытар	Аляксандар Дэспла
Апэратар	Трыстан Олівэр
Прадусэр	Элісан Абот, Скот Рудын, Уэс Андэрсан, Джэрэмі Доўсан
Студыя	Blue Sky Studios, 20th Century Fox, Fox Searchlight Pictures, Indian Paintbrush, Regency Enterprises, American Empirical Pictures
Краіна	ЗША, Вялікабрытанія
Мова	ангельская, француская
Працягласьць	87 хв.
Прэм’ера	2009
Бюджэт	40 млн $[1]
Касавыя зборы	46,5 млн $[1]
IMDb	ID 0432283
Афіцыйны сайт
Неверагодны містэр Фокс у Вікісховішчы

Галоўных пэрсанажаў агучвалі: Джордж Клуні, Мэрыл Стрып, Джэйсан Шварцман, Біл Мюрэй і Уільлем Дэфо. У 2010 годзе мультфільм быў намінаваны на «Оскар» за найлепшы саўндтрэк і найлепшы анімацыйны фільм.

Сюжэт

Створаная ўручную ў характэрнай для аўтарскай манеры Ўэса Андэрсана мультыплікацыя расказвае пра шалапутнага бацьку лісінай сям’і. Адказваючы на нападкі разьюшаных ягонымі выхадкамі фэрмэраў, ліс-авантурыст містэр Фокс адпраўляецца ў адчайныя прыгоды, у якіх яму трэба будзе ня толькі вярнуць сваё добрае імя, але і ўратаваць сваю сям’ю.

Дубляж

Пераклад і агучка стужкі на беларускай мове выкананыя ў 2012 годзе камандай «Кінаконг»^[2].