Нутраная энэргія

Нутраная энэргія цела (пазначаецца як E або U) — поўная энэргія гэтага цела за вылікам кінэтычнай энэргіі цела як цэлага і патэнцыйнай энэргіі цела ў вонкавым полі сіл. Такім чынам, нутраная энэргія складаецца з кінэтычнай энэргіі хаатычнага руху малекул, патэнцыйнай энэргіі ўзаемадзеяньня паміж імі і ўнутрымалекулярнай энэргіі.

Тэрмадынамічныя патэнцыялы
Артыкул зьяўляецца часткай сэрыі «Тэрмадынаміка».
Нутраная энэргія
Энтальпія
Вольная энэргія Гельмгольца
Энэргія Гібса
Вялікі тэрмадынамічны патэнцыял (Ω)
Разьдзелы тэрмадынамікі
Пачаткі тэрмадынамікі
Раўнаньне стану
Тэрмадынамічныя велічыні
Тэрмадынамічныя патэнцыялы
Тэрмадынамічныя цыклы
Фазавыя пераходы
рэдагаваць

Нутраная энэргія цела — энэргія руху і ўзаемадзеяньні часьцінак, зь якіх складаецца цела.

Або:

Нутраная энэргія цела — гэта сумарная кінэтычная энэргія руху малекул цела і патэнцыйная энэргія іх узаемадзеяньня.

Нутраная энэргія зьяўляецца адназначнай функцыяй стану сыстэмы. Гэта азначае, што кожны раз, калі сыстэма апыняецца ў дадзеным стане, яе нутраная энэргія прымае ўласьцівае гэтаму стану значэньне, незалежна ад перадгісторыі сыстэмы. Такім чынам, зьмена нутранай энэргіі пры пераходзе з аднаго стану ў іншы будзе заўсёды роўна рознасьці значэньняў у гэтых станах, незалежна ад шляху, па якім зьдзяйсьняўся пераход.

Нутраную энэргію цела нельга мераць напроста. Можна вызначыць толькі зьмяненьне нутранай энэргіі:

${\displaystyle \Delta U=Q+A\,}$

дзе

• ${\displaystyle \ Q\,}$ — цеплыня, вымераная ў Джоўлях
• ${\displaystyle \ A\,}$ — праца, вымераная ў Джоўлях

Для квазыстатычных працэсаў выконваецца наступныя судачыненьні:

${\displaystyle dU=TdS-pdV+\mu dN\,}$

дзе

• ${\displaystyle \ T\,}$ — тэмпэратура, вымераная ў кэльвінах
• ${\displaystyle \ S\,}$ — энтрапія, вымераная ў джоўлях/кэльвін
• ${\displaystyle \ p\,}$ — ціск, вымераны ў паскалях
• ${\displaystyle \mu \,}$ — хімічны патэнцыял
• ${\displaystyle \ N\,}$ — колькасць часьцінак у сыстэме