Ніжні замак (Віцебск)

Ніжні замак — колішні замак у Віцебску на паўднёвы ўсход і поўдзень ад Верхняга замку. З усходу і поўдня абмежаваны ручаём, з захаду абмываўся Заходняй Дзьвіной. Плошча — 7-7,5 га.

Ніжні замак Віцебска
«Чарцёж места Віцебску» (1664), Ніжні замак справа
Зьяўляецца часткай	Віцебскія замкі
Месцазнаходжаньне	Віцебск
Тып	замак
Матэрыялы	камень
Разбураны	1757
Стан	згарэў

Гісторыя

Першае паселішча ў заходняй частцы замку ў VI-VIII стст. (знойдзеныя матэрыялы банцараўска-тушэмлянскай культуры). У 1320—1330-я гады віцебск князь Альгерд Гедзімінавіч умацаваў Ніжні замак Віцебска каменнымі сьценамі з абарончымі вежамі^[1].

Да XVII ст. было 12 вежаў і 3 вежы-брамы — Жыдоўская, Заручаўская, Валконскі круглік; 9 глухіх вежаў — Напрудная, Мяшчанскі і Духаўскі круглік, Княжыцкая, Тарапецкая, Дамініканская, Швыкаўская, Старасельская, Сярэдняя. Доўгая лініі абароны складала 1256 м. На тэрыторыі Ніжняга замку знаходзілася Дабравешчанская царква, Аляксееўскі манастыр, палац Агінскага, дом Шапкіна і інш.

Канчаткова згарэў у 1757 годзе.

Дасьледаваньні

У 1959 годзе ў час земляных работ па плошчы Свабоды выпадкова выяўлена першая на Беларусі берасьцяная грамата 13—14 стагоддзяў. Культурны пласт на пл. Свабоды 5—8 м. У ім добра захаваліся дрэва і арганічныя рэшткі.