Павал Лойка

Павал Алегавіч Лойка (12 ліпеня 1958, Слонім — 22 кастрычніка 2010^[1]) — беларускі гісторык, кандыдат гістарычных навук (1984). Сын пісьменьніка Алега Лойкі.

Павал Лойка
Дата нараджэньня	12 ліпеня 1958(1958-07-12)
Месца нараджэньня	Слонім, Гарадзенская вобласьць, БССР, СССР
Дата сьмерці	22 кастрычніка 2010(2010-10-22) (52 гады)
Месца сьмерці	Менск, Беларусь
Месца пахаваньня	Міханавіцкія могілкі[d]
Месца вучобы	гістарычны факультэт БДУ (1980)
Занятак	навуковец
Навуковая сфэра	гісторыя
Месца працы	гістарычны факультэт БДУ Беларускі гуманітарны ліцэй імя Якуба Коласа Інстытут гісторыі НАН Беларусі
Сябра ў	Беларуская перспектыва[d]
Навуковая ступень	кандыдат гістарычных навук[d] (1984)
Навуковы кіраўнік	Васіль Мялешка
Бацька	Алег Лойка

Біяграфія

Скончыў гістарычны факультэт БДУ (1980^[2]). З 1983 году супрацоўнік, у 1990—2000 гадох — загаднік аддзелу гісторыі Беларусі XIII—XVIII стагодзьдзяў Інстытуту гісторыі НАН Беларусі. Адначасна з 1994 году загаднік катэдры гісторыі Беларусі старажытнага часу і сярэдніх вякоў Беларускага дзяржаўнага ўнівэрсытэту. Выкладаў гісторыю Беларусі ў Беларускім гуманітарным ліцэі. Дасьледаваў праблемы дзяржаўна-палітычнага разьвіцьця Вялікага Княства Літоўскага ў XVI ст., аграрную гісторыю Беларусі XVI—XVIII стагодзьдзяў.

Працы

Друкаваўся з 1982 году ў Беларусі, Расеі, Польшчы, Нямеччыне. Адзін з аўтараў, рэдактараў і складальнікаў школьных падручнікаў, навуковых зборнікаў і манаграфіяў па гісторыі.

• Паўстанне сялян пад кіраўніцтвам Вашчылы. Мінск, 1988 (у сааўтарстве з В. І. Мялешкам).
• Прыватнаўласніцкія сяляне Беларусі. Эвалюцыя феадальнай рэнты ў другой палове XVI—XVIII стст. Мінск, 1991.
• І ўзняўся люд просты. Мінск, 1992 (у сааўтарстве з В. І. Мялешкам).
• Шляхта беларускіх зямель у грамадска-палітычным жыцці Рэчы Паспалітай другой паловы ХVI — першай трэці ХVII ст. Мінск: БДУ, 2002.