Павал Рагенда

Па́вал Раге́нда^[2][3] (Рэ́генда)^[4] (па-славацку: Pavol Regenda; нар. 7 сьнежня 1999 году) — славацкі хакеіст, скрайні нападнік клюбу «Сан-Хасэ Баракуда» з Амэрыканскае хакейнае лігі.

Павал Рагенда
Рост	192 см[1]
Пазыцыя	нападнік
Грамадзянства	Славаччына[1]
Дата нараджэньня	7 сьнежня 1999(1999-12-07)[1] (25 гадоў)
Месца нараджэньня	Міхалаўцы, Кошыцкі край, Славаччына
Клюб	Сан-Хасэ Баракуда
Выступаў за	Дукла Міхалаўцы Сан-Дыега Галз
Гульнявая кар’ера	2019 — цяпер

Кар’ера

У сэзоне 2021—2022 гадоў запісаў на свой рахунак 15 галоў і 24 перадачы ў 43 гульнях за «Дуклу». Такім чынам ён стаўся найлепшым бамбардзірам у славацкай Экстралізе сярод гульцоў веку 22 галоў і маладзей^[5]. Пасьля двух удалых сэзонаў з «Дуклай», Рагенда першапачаткова склаў дамову з чэскім клюбам «Млада Болеслаў» 1 траўня 2022 году^[6]. Аднак, пасьля выдатнаму выступу на чэмпіянаце сьвету 2022 году Рагенда здолеў скасаваць дамову з чэхамі і 1 чэрвеня скласьці дзьвюхгадовую дамову з «Анагайм Дакс» з Нацыянальнае хакейнае лігі. Большую частку сэзону нападнік правёў у фарм-клюбе «Сан-Дыега Галз», але ўсё ж такі правёў некалькі матчаў у складзе асноўнага клюбу.

6 сакавіка 2024 году дэбютаваў у НХЛ у матчы супраць «Атавы Сэнатарз»^[7][8]. Цягам сэзону згуляў яшчэ некалькі матчаў у складзе галоўнай каманды. Улетку 2024 году склаў новую прауцоўную дамову з «Анагайм Дакс»^[9]. У студзені 2025 году прыяднаўся да «Сан-Хасэ Шаркс»^[10].