Павульскае возера

Павульскае, Павульле, Цётча — возера ў Беларусі, у басэйне ракі Тураўлянкі. Знаходзіцца ва Ўшацкім раёне Віцебскай вобласьці, за 18 км на паўночны ўсход ад Ушачаў. Належыць да групы Ўшацкіх азёраў. Плошча паверхні возера 8,45 км². Даўжыня 6,4 км, найбольшая шырыня 1,5 км. Найбольшая глыбіня дасягае 5,5 м, сярэдняя складе 3,1 м. Аб’ём вады 26,75 млн м³. Даўжыня берагавой лініі 25 км^[1].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Павульле (неадназначнасьць), Цётча (неадназначнасьць).

Возера Павульскае возера Краіна Беларусь Плошча 8,45 км² Плошча вадазбору 652 км² Максымальная глыбіня 5,5 м Сярэдняя глыбіня 3,1 м Найбольшая даўжыня 6,4 км Найбольшая шырыня 1,5 км Даўжыня берагавой лініі 25 км Аб’ём вады 26,75 млн м³ Каардынаты 55°14′42.62″ пн. ш. 28°54′19.34″ у. д. Павульскае возера на мапе Беларусі Павульскае возера

На заходнім беразе возера стаіць гістарычнае мястэчка Павульле.

Апісаньне

Схілы катлавіны возера маюць вышыню 6—8 м, на поўначы і захадзе вышыня схілаў сягае да 20 м, разараныя. Берагі нізкія, знаходзяцца пад хмызьняком. На пэўных дзялянках берагі забалочаныя. Возера мае выспу, плошча якой складае 6 га (0,06 км²).

Праз возера цячэ рака Тураўлянка, якая злучае яго з азёрамі Бярозаўскім і Яновам. У возера ўпадаюць 5 ручаёў, у тым ліку ручаі з азёраў Чарсьцьвяцкага і Вяркудзкага.

Флёра і фаўна

Расьліннасьць у возеры пашыраецца да глыбіні 3 м. Растуць чарот, разак, трысьнёг, рдзесты.

У возеры водзяцца шчупак, судак, лешч, язь, плотка, лінь, краснапёрка^[2].