Пагранічны (пасёлак)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бераставіца, Пагранічны.

Пагранічны
Першыя згадкі:	1885
Вобласьць:	Гарадзенская
Раён:	Бераставіцкі
Сельсавет:	Пагранічны
Насельніцтва:	1574 (2019)
Тэлефонны код:	+375 1511
Паштовы індэкс:	231773
Аўтамабільны код:	4
Геаграфічныя каардынаты:	53°07′ пн. ш. 23°58′ у. д.
Пагранічны на мапе Беларусі Пагранічны

Паграні́чны^[1] (да 1978 году — Бераставіца^[2]) — пасёлак у Бераставіцкім раёне Гарадзенскай вобласьці, на шашы Р99, за 5 км на ўсход ад мяжы з Польшчай, за 10 км на поўдзень ад Вялікай Бераставіцы, за 30 км на захад ад Ваўкавыску. Пагранічны ўваходзіць у склад і зьяўляецца цэнтрам Пагранічнага сельсавету і камунальнага сельскагаспадарчага ўнітарнага прадпрыемства «Пагранічны-Агра».

Гісторыя

Гісторыя пасёлку зьвязаная з разьвіцьцём чыгуначнай станцыі, якая ўзьнікла на гэтым месцы ў сувязі з будаўніцтвам чыгуначнай дарогі Баранавічы — Беласток. Першыя цягнікі станцыя прыняла ў 1887 годзе. Да 1917 году празь яе праходзілі пасажырскія цягнікі ў Заходнюю Эўропу. У пасьляваенны час была грузавой і перавалачнай станцыяй. Сярод грузаў перабольшваў каменны вугаль. Населены пункт вакол станцыі ня меў асобнай назвы, а ўсё разам называлася «станцыя Бераставіца».^[3]

30 сьнежня 1975 году пасёлак Бераставіца ператвораны ў працоўны пасёлак. 17 сакавіка 1978 году працоўны пасёлак Бераставіца перайменаваны ў Пагранічны, Цецяроўскі сельсавет скасаваны, населеныя пункты, якія ўваходзілі ў яго склад, перададзеныя ў склад новаўтворанага Пагранічнага пасялковага савету^[4][5].

9 жніўня 2007 году працоўны пасёлак Пагранічны быў аднесены да катэгорыі сельскіх населеных пунктаў^[6], у сувязі з гэтым быў скасаваны Пагранічны пасялковы савет і створаны Пагранічны сельсавет^[7].

Насельніцтва

• 1 студзеня 2019 году — 1574 чал.^[3]

Транспарт

Маецца чыгуначная станцыя Бераставіца.

Вуліцы

У пасёлку налічваецца 20 вуліцаў^[3].