Падбельля

Падбе́льля (па-польску: Podbiele, па-падляску: Pudbiếle^[1]) — прысёлак вёскі Дубяжын ў Бельскім павеце Падляскага ваяводзтва Польшчы. Знаходзіцца ў гміне Бельск-Падляскі.

Падбельля
польск. Podbiele
Былая назва:	Падбельск
Мясцовая назва:	Pudbiêle
Краіна:	Польшча
Ваяводзтва:	Падляскае
Павет:	Бельскі
Гміна:	Бельск-Падляскі
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-106
Нумарны знак:	BBI
Геаграфічныя каардынаты:	52°41′34″ пн. ш. 23°12′12″ у. д.
Падбельля на мапе Польшчы Падбельля
Галерэя здымкаў у Вікісховішчы

Ля вёскі працякае рака Белая.

Насельніцтва

Жыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход сьв. Ільлі на месцы). Каталіцкая частка насельніцтва (парафія Божай Міласэрнасьці ў Бельску-Падляскім^[2]) па этнічных ідэнтыфікацыях — польская.

Гісторыя

Руіны капліцы-пахавальні Жалтухінаў

У сваіх вытоках вёска называлася Падбельск (ад суседзтва з Бельскам). Вядома, што ў 1594 г. была прыватнай уласнасьцю Рыгора Ваганоўскага. Апошнімі ўладальнікамі Падбельля былі расейцы Жалтухіны, па якіх у вёсцы асталася зруйнаваная капліца-пахавальня. Сёньняшняя царква была пабудаваная ў 1876 годзе на новым месцы (ранейшая знаходзілася побач зь сядзібай маёнтку Падбельля). У міжваенны пэрыяд Падбельля прыналежала да гміны Дубяжын Бельскага павету Беластоцкага ваяводзтва. Паводле польскага перапісу насельніцтва 1921 г. пражывалі тут 54 жыхароў (21 каталікоў, 29 праваслаўных ды 4 габрэяў, католікі і габрэі былі запісаныя палякамі, праваслаўныя беларусамі)^[3]. Пасьля Другай сусьветнай вайны Падбельля было далучанае да гміны Бельск-Падляскі.