Пажар у начным клюбе ў Пермі

Пажар у начным клюбе ў Пермі — катастрофа, выкліканая, па асноўнай вэрысі, выбухам піратэхнічных вырабаў у начным клюбе «Хромая лошадь» (па-беларуску: «Кульгавы конь») 5 сьнежня 2009 году ў 22:08 (01:08^[1] па мясцовым часе), у выніку якога, а таксама з-за атручваньня чадным газам і таўкатні, загінулі 136^[2] чалавекі, 123 чалавекі атрымалі пашкоджаньні^[3][4].

Пажар у клюбе «Хромая лошадь» у Пермі
Краіна	Расея
Месца	Перм
Тып катастрофы	Пажар
Прычына	Невыкананьне правілаў супрацьпажарнай бясьпекі
Дата	5 сьнежня 2009 году
Час	01:08 YEKT
Наступствы
Загінулі	112
Пацярпелі	123
Каардынаты	58°0′17.28″ пн. ш. 56°8′7.44″ у. д.
Пажар у клюбе «Хромая лошадь» у Пермі на мапе Расеі Пажар у клюбе «Хромая лошадь» у Пермі
Выявы па тэме «Пажар у клюбе «Хромая лошадь» у Пермі» ў Вікісховішчы

Асноўная вэрсія пажару — парушэньне правілаў пажарнае бясьпекі. Вэрсія тэракту была адхіленая^[5]. Па іншай вэрсіі, крыніцай пажару стаўся кароткі сутык^[6][4].

Прэзыдэнт Расеі Дзьмітры Мядзьведзеў абвясьціў 7 сьнежня 2009 году жалобным днём^[7].

Гэта найбольш трагічны пажар на ўвесь час постсавецкае Расеі. Другі па колькасьці ахвяраў адбыўся ў сакавіку 2007 году ў расейскім горадзе Ейску, калі ў доме састарэлых загінулі 63 чалавекі^[8]. Як засьведчыў прадстаўнік ратавальнае службы, большасьць ахваряў загінула ад асфіксіі, атручваньня чадным газам.

Была арганізаваная гарачая лінія для людзей, якія шукаюць зьвесткі пра тых, хто знаходзіўся ў клюбе «Кульгавы конь» падчас пажару і маглі загінуць ці атрымаць нейкія пашкоджньні^[3].

Пажар

Пажар у начным клюбе «Кульгавы конь»

Па асноўнай афіцыйнай вэрсіі, пажар быў выкліканы неасьцярожным выкарыстаньнем піратэхнікі ў начным клюбе «Кульгавы конь» (вул. Куйбышава, д. 6) 5 сьнежня 2009 году ў 01:08^[1] па мясцовым часе (22:08 па менскім). З-за парушэньняў правілаў пажарнае бясьпекі, наяўнасьці лёгка падпальваемых элемэнтаў інтэр’еру, агонь хутка распаўсюдзіўся па клюбе^[4][9].