Палацава-паркавы комплекс Мержыеўскіх (Грозаў)

Палацава-паркавы комплекс Мержыеўскіх — помнік архітэктуры і садова-паркавага мастацтва XIX ст. у Грозаве. Знаходзіцца на паўднёвай ускраіне колішняга мястэчка. Твор архітэктуры клясыцызму.

Помнік грамадзянскай архітэктуры
Палацава-паркавы комплекс Мержыеўскіх
Палац Мержыеўскіх, да 1918 г.
Краіна	Беларусь
Вёска	Грозаў
Каардынаты	53°10′01.14″ пн. ш. 27°19′49.26″ у. д.
Архітэктурны стыль	клясыцызм
Палацава-паркавы комплекс Мержыеўскіх на мапе Беларусі Палацава-паркавы комплекс Мержыеўскіх
Палацава-паркавы комплекс Мержыеўскіх на Вікісховішчы

Комплекс складаўся з палаца і парку (не захаваўся).

Гісторыя

Сядзіба. Н. Орда, 1864—1876 гг.

Сядзіба ў Грозаве сфармавалася ў першай палове XIX ст. Тады ж збудавалі мураваны палац. Да 1863 году належала Мержыеўскім, пазьней — Вітгенштэйнам.

За савецкім часам у палацы месьцілася школа. З 2010-х гадоў вядзецца рэканструкцыя будынка.

Архітэктура

Палац — помнік архітэктуры клясыцызму. Гэта 2-павярховы будынак з вальмавым дахам. Цэнтар сымэтрычна-восевай кампазыцыі падкрэсьліваецца 4-калённым портыкам з пандусам на галоўным і глыбокім рызалітам на дваровым фасадах (на акварэлі Напалеона Орды 1864—1876 гадоў таксама меў 4-калённы портык). Да заходняга тарца палаца далучаецца 1-павярховая службовая прыбудова. Плястыка фасадаў ствараецца прафіляванымі цягамі, ліштвамі прастакутных акон і дзьвярэй, лапаткамі і рустам на вуглах будынку.

Плян анфілядна-калідорны з цэнтральнай групай парадных памяшканьняў і вялікім вэстыбюлем з двухбаковамі сходамі. Пад будынкам скляпеністыя сутарэньні.

Парк

З боку дваровага фасаду палаца на схіле ўзгорку месьціўся парк (не захаваўся)^[1].

Галерэя

• Сучасныя здымкі
• 
  Агульны выгляд
• 
  Галоўны фасад
• 
  Портык
• 
  Усярэдзіне