Паляцкіскі сельсавет

Паляцкі́скі сельсавет — былая адміністрацыйна-тэрытарыяльная адзінка ў складзе Вярэнаўскага раёну Гарадзенскай вобласьці. Цэнтар — вёска Паляцкішкі.

Паляцкіскі сельсавет
Агульныя зьвесткі
Краіна	Беларусь
Статус	сельсавет Беларусі[d] і былая адміністрацыйна-тэрытарыяльная адзінка[d]
Адміністрацыйны цэнтар	Паляцкішкі
Дата ўтварэньня	29 кастрычніка 1960
Дата скасаваньня	18 кастрычніка 2013
Насельніцтва	▼801 чал. (2009)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 12 кастрычніка 1940 году як Асаўскі сельсавет у складзе Радунскага раёну Баранавіцкай вобласьці БССР. Цэнтар — вёска Асава. З 20 верасьня 1944 году ў складзе Гарадзенскай вобласьці. З 3 красавіка 1959 году ў складзе Вярэнаўскага раёну^[1].

2 сьнежня 1961 году ў склад Жырмунскага сельсавету перададзены населеныя пункты Бярозна, Дзяўгуны, Жылянцы, Пецюны, Пяткаўшчына і Сакалы^[2].

19 лістапада 1963 году сельсавет перайменаваны ў Пагародненскі, цэнтар перанесены ў вёску Пагародна^[3].

11 студзеня 1966 году да сельсавету далучана частка скасаванага Пажыжмаўскага сельсавету (7 населеных пунктаў: Балотнікі, Вяканцы, Гартынкова, Жусіны, Лапацішкі, Нявошы, Рачкуны)^[4].

11 лютага 1972 году ў склад сельсавета з Жырмунскага сельсавету перададзена вёска Сакалы, зь Вярэнаўскага пассавету — населеныя пункты Бальсі і Цёмны Дол, у адміністрацыйнае падпарадкаваньне Вярэнаўскага пассавету перададзены населены пункт Гартынкова^[5].

18 кастрычніка 2013 году сельсавет ліквідаваны, усе населеныя пункты — вёскі Вайдагі, Даўгялы, Драбішуны, Дуцішкі, Мухлядзішкі, Паляцкішкі, Порайсьць, Таўзгіняны, Ясянцы, хутары Гута, Чэглікі, Юндзілішкі — перададзеныя ў склад Пагародзенскага сельсавету^[6].