Пардубіцы (футбольны клюб)

«Пардубіцы» (па-чэску: Pardubice) — чэскі футбольны клюб з гораду Пардубіцаў. Заснаваны ў 2008 годзе. Клюб ёсьць пераемнікам клюбу «Тэсла», які ў 2008 годзе аб’яднаўся з клюбам «Лёка»^[2].

Пардубіцы
Поўная назва	Fotbalový klub Pardubice a.s.
Заснаваны	2008
Горад	Пардубіцы, Чэхія
Стадыён	CFIG-арэна Умяшчальнасьць: 4620
Галоўны трэнэр	Давід Стршыгаўка[d][1]
Чэмпіянат	Першая ліга
· 2024—2025	15 месца
Галерэя здымкаў у Вікісховішчы fkpardubice.cz (чэс.)

Гісторыя

Клюб дэбютаваў у розыгрышы Багемскай футбольнай лігі ў 2009 годзе, якая ў структуры чэскага футболу ёсьць трэцім дывізіёнам. Ачольваў каманду Марцін Швэдзік, які пазьней працаваў асыстэнтам галоўнага трэнэра Душана Угрына ў менскім «Дынама». Праз два гады клюб прасунуўся ў Другую лігу. У дэбютным жа сэзоне пардубіцкая каманда фінішавала на 7-м месцы, а ў наступным дружына заняла 10-ы радок. За гэты час клюб зьмяніў галоўнага трэнэра на Іржы Крэйчы, які ўлетку 2014 году саступіў пасаду Марціну Гашку. У наступныя гады зьмены на пасадзе галоўнага трэнэра былі даволі звычайнай зьявай. У сэзоне 2019—2020 гадоў «Пардубіцы» здабылі перамогу ў другім дывізіёне, чым забясьпечылі сабе гістарычнае павышэньне ў Першую лігу. Аднак, праз тое, што хатні стадыён каманды не адпавядаў крытэрам найвышэйшай лігі, футбаліст клюбу былі вымушаныя ладзіць хатнія матчы ажно на стадыёне «Багеміянса-1905» у Празе. У першым сэзоне ў эліце клюб фінішаваў на 7-м радку, напрыканцы турніры маючы шанцы на атрыманьне месца ў эўракубках. У наступных сэзонах вынікі пагоршыліся, аднак «Пардубіцы» захоўвалі месца ў Першай лізе. У гэты час клюб займаўся перабудовай свайго стадыёна, каб адпавядаць крытэрам Першай лігі. У выніку 4 студзеня 2023 годзе «Пардубіцы» згулялі свой першы хатні матч у наймацнейшым дывізіёне супраць праскай «Славіі». Гаспадары зьведалі паразу зь лікам 0:2^[3].