Паўліньню

Жузэ Паўлу Бэзэра Масьел Жуніяр (па-партугальску: José Paulo Bezerra Maciel Júnior), больш вядомы як Паўліньню (парт. Paulinho; нар. 25 ліпеня 1988 году, Сан-Паўлу, Бразылія) — колішні бразыльскі футбаліст, паўабаронца. Мае на сваім рахунку матчы ў складзе нацыянальнай зборнай Бразыліі.

Паўліньню
Пэрсанальная інфармацыя
Нарадзіўся	25 ліпеня 1988(1988-07-25) (37 гадоў) Сан-Паўлу, Бразылія[1]
Рост	182 см
Вага	71 кг
Пазыцыя	паўабаронца
Клюбы
Гады	Клюб	Гульні (галы)¹
2006—2010	Аўдакс Сан-Паўлу[d]	39 (7)
2006—2007	→ Вільня[d]	38 (5)
2007—2008	→ ЛКС Лодзь	17 (0)
2009—2010	→ Рэд Бул Брагантыну	28 (6)
2010—2013	Карынтыянс	86 (34)
2013—2015	Тотэнгэм Готспур	45 (6)
2015—2017	Гуанчжоў[d]	63 (17)
2017—2018	Барсэлёна	34 (9)
2018	→ Гуанчжоў[d]	19 (13)
2019—2021	Гуанчжоў[d]	49 (31)
2021	Аль-Аглі	4 (2)
2022—2024	Карынтыянс	35 (6)
Зборныя
2011—2018	Бразылія	56 (13)

Кар’ера

Клюбная

У дарослым футболе дэбютаваў у 2006 годзе выступамі за «Жувэнтус», аднак амаль адразу перайшоў у летувіскі клюб «Вільня». У летувіскім клюбе правёў упэўнены сэзон, аднак у камандзе пачаліся праблемы зь фінансамі й Паўліньню перайшоў у польскую «Лодзь». У чэмпіянаце Польшчы ён правёў 17 матчаў пасьля чаго вярнуўся ў «Пан-дзі-Асукар», які выступаў у 4-м дывізіёне Лігі Паўлісты.

У 2009 годзе перайшоў у «Брагантыну», які выступаў у Сэрыі Б, дзе зарэкамэндаваў сябе добрым паўабаронцам. Сваёй гульнёй за апошнюю каманду прыцягнуў увагу прадстаўнікоў трэнэрскага штабу «Карынтыянсу», у склад якога далучыўся 2010 году. Ад гэтага моманту пачалася сапраўды зорная кар’ера паўабаронцы. Разам з «Карынтыянсам» Паўліньню стаў чэмпіёнам Бразыліі й пераможцам Кубка Лібэртадорэс.

6 ліпеня 2013 году ангельскі «Тотэнгэм Готспур» пацьвердзіў падпісаньне Паўліньню пасьля таго, як ён пасьпяхова прайшоў мэдычнаае абсьледваньне. Як паведамляецца трансфэр каштаваў «шпорам» крыху менш за 17 млн фунтаў^[2].

Міжнародная

14 верасьня 2011 году дэбютаваў у афіцыйных матчах у складзе нацыянальнай зборнай Бразыліі.

Дасягненьні

«Карынтыянс»:

• Чэмпіён Бразыліі: 2011
• Уладальнік Кубка Лібэртадорэс: 2012
• Пераможца Рэкопы Судамэрыкана: 2013
• Пераможца клюбнага чэмпіянату сьвету: 2012
• Чэмпіён штату Сан-Паўлу: 2013

«Гуанчжоў Эвэргранд»:

• Чэмпіён Кітаю: 2015, 2016, 2019
• Уладальнік Кубка Кітаю: 2016
• Уладальнік Супэркубка Кітаю: 2016, 2017
• Пераможца Лігі чэмпіёнаў АФК: 2015

«Барсэлёна»:

• Чэмпіён Гішпаніі: 2018
• Уладальнік Кубка Гішпаніі: 2018

Бразылія

• Уладальнік Кубка канфэдэрацыяў: 2013