Карынтыянс Сан-Паўлу

«Кары́нтыянс» (па-партугальску: Corinthians) — бразыльскі футбольны клюб з гораду Сан-Паўлу, Бразылія, заснаваны ў 1910 годзе. 7-разовы чэмпіён Бразыліі, 3-разовы ўладальнік Кубка Бразыліі, двухразовы пераможца чэмпіянату сьвету сярод клюбаў (2000, 2012), уладальнік Кубка Лібэртадорэс (2012). Клюб быў заснаваны ў 1910 годзе групай працаўнікоў прамысловых прадпрыемстваў, пераважна партугальскага, італьянскага і гішпанскага паходжаньня, у надзеі стварыць народны клюб у горадзе Сан-Паўлу, які зможа канкураваць з элітнымі клюбамі.

Карынтыянс
Поўная назва	Sport Club Corinthians Paulista
Заснаваны	1 верасьня 1910
Горад	Сан-Паўлу, Бразылія
Стадыён	Арэна Карынтыянс Умяшчальнасьць: 47 605
Прэзыдэнт	Андрэс Санчэс[d]
Галоўны трэнэр	Рамон Дыяс[d][1]
Чэмпіянат	Сэрыя A
· 2024	7 месца
Галерэя здымкаў у Вікісховішчы corinthians.com.br (парт.)​ (анг.)

«Карынтыянс» праводзіць свае хатнія матчы на стадыёне «Арэна Карынтыянс», дзе праводзіліся матчы чэмпіянату сьвету па футболе 2014 году, у тым ліку матч адкрыцьця. Асноўнымі колерамі клюбу зьяўляецца чорны і белы, гэтая камбінацыя выкарыстоўваецца ў форме каманды з 1920 году. Сярод вядомых гульцоў клюбу ўсіх часоў вярта вылучыць Жылмара, Рывэліну, Сакратэса, Віёлу і Рыкардыньню.

Гісторыя

У 1910 годзе сярод найвышэйшых саслоўяў Сан-Паўлу ўжо было створана некалькі прафэсійных футбольных клюбаў^[2], сярод якіх былі «Паўлістану», «Атлетык» і «АА Палмэйрас». Ніжэйшыя класы, выключаныя ад гэтых клюбаў праз сацыяльна-эканамічны падзел, заснавалі свае ўласныя клюбы.

Каманда пераможцаў чэмпіянату штату Сан-Паўлу 1914 году.

Насуперак тэндэнцыі, група зь пяці рабочых чыгункі Сан-Паўлу, сярод якіх былі Жаакім Амброз і Антані Пэрэйра (маляры сьцен), Рафаэл Пэронэ (шавец), Ансэлму Карэя (кіроўца) і Карлус Сылва (разнарабочы), якія былі жыхарамі раёну Бон-Рэтыру, абмеркавалі стварэньне ўласнага клюбу. Натхненьнем для мужчынаў стаў футбольны матч 31 жніўня 1910 году з удзелам лёнданскага клюбу «Карынтыян», які гастраляваў па Бразыліі^[3]. Пасьля некалькіх ажыўленых спрэчак агульная думка прывяла спартоўцаў да адной мары. 1 верасьня 1910 году група дамовілася сустрэцца пасьля сутоньня ў публічным месцы. У тую ноч а 20:30 па бразыльскім часе на вуліцы Руа Жузэ Паўліну памянёныя пяцёра рабочых зноў сабраліся разам з сваімі гасьцямі і суседзямі. У тую ноч быў зафундаваны клюб поруч зь ягонай радай дырэктароў, а першым прэзыдэнтам клюбу стаў Мігел Батальля^[3]. «Карынтыянс» згуляў свой першы матч 10 верасьня 1910 году на выезьдзе супраць «Уніян да Лапа», паважанага аматарскага клюбу Сан-Паўлу, але трываў паразу зь лікам 1:0. 14 верасьня Луіс Фабі правёў першы гол каманды ў гісторыі ў браму «Эстрэлы Полар», яшчэ аднаго аматарскага клюбу гораду, дзякуючы чаму «Карынтыянс» выйграў свой першы матч (2:0).

Рабэрту Рывэліну ўважаецца адным з самых слынных футбалістаў клюбу ўсіх часоў.

Дзякуючы добрым вынікам і ўзрослай колькасьці заўзятараў, «Карынтыянс» далучыўся да Лігі Паўлісты пасьля перамогі ў двух адборачных гульнях і ўпершыню згуляў у чэмпіянаце штату Сан-Паўлу ў 1913 годзе. Усяго праз год пасьля далучэньня да лігі клюб упершыню стаў чэмпіёнам, а праз два гады зноў паўтарыў посьпех. У той час у Сан-Паўлу было шмат каманд, якія хутка перамагалі і зьнікалі, і падчас першага трэнаваньня пасьля перамогі «Карынтыянс» побач з полем усталяваў банэр з надпісам «Гэтая каманда вытрымае». 1922 год, у стагодзьдзе незалежнасьці Бразыліі, быў адзначаны пачаткам гегемоніі «Карынтыянс» у чэмпіянаце штату Сан-Паўлу. Паколькі ў той час футбольныя турніры амаль выключна ладзіліся ў Рыю-дэ-Жанэйру і Сан-Паўлу, чэмпіёны гэтых штатаў уважаліся двума найлепшымі клюбамі Бразыліі.

На пачатку 1950-х гадоў «Карынтыянс» увайшоў у гісторыю чэмпіянату Сан-Паўлу. У 1951 годзе каманда ў складзе Карбонэ, Клаўдыю, Луізыньню, Балтазара і Марыю паклала на рахунак 103 галы ў трыццаці матчах чэмпіянату Сан-Паўлу, цэліўшы ў сярэднім 3,43 галы за гульню. Карбонэ стаў найлепшым бамбардзірам спаборніцтва з 30 галамі. Клюб таксама выйграў чэмпіянат Сан-Паўлу ў 1952 і 1954 гадах. У 1953 годзе ў Вэнэсуэле «Карынтыянс» здабыў Малы кубак сьвету, які многія лічаць папярэднікам сусьветнага клюбнага чэмпіянату. Тады бразыльская каманда, замяніўшы «Вашку да Гаму», выправіліся ў Каракас, дзе перамаглі «Рому», «Барсэлёну» і зборную Каракасу. Пасьля гэтага цягам двух дзесяцігодзьдзяў камандзе бракавала посьпехаў, а наступная перамога ў чэмпіянаце штату была здабытая толькі ў 1977 годзе.

Дасягненьні

Эвалюцыя формы «Карынтыянсу».

• Чэмпіён Бразыліі: 7

1990, 1998, 1999, 2005, 2011, 2015, 2017

• Кубак Бразыліі: 3

1995, 2002, 2009

• Супэркубак Бразыліі: 1

1991

• Чэмпіён штату Сан-Паўлу: 31

1914, 1916, 1922, 1923, 1924, 1928, 1929, 1930, 1937, 1938

1939, 1941, 1951, 1952, 1954, 1977, 1979, 1982, 1983, 1988

1995, 1997, 1999, 2001, 2003, 2009, 2013, 2017, 2018, 2019

2025

• Кубак Лібэртадорэс: 1

2012

• Рэкопа Паўднёвай Амэрыкі: 1

2013

• Клюбны чэмпіянат сьвету: 2

2000, 2012

Склад

Актуальны на 20 ліпеня 2025 году

№ Пазыцыя Імя Год нараджэньня 1 Бр Угу Соўза  1999 2 Аб Матэўзыньню  2000 3 Аб Фэлікс Торэс  1997 5 Аб Андрэ Рамальлю  1992 6 Аб Дыега Палясіяс  1999 7 ПА Майкон  (ар. Шахтар) 1997 8 ПА Радрыга Гара  1998 9 Нап Юры Албэрту  2001 10 Нап Мэмфіс Дэпай 1994 11 Нап Анхэль Рамэра  1992 13 Аб Густаву Энрыке  1993 14 ПА Раніеле  1996 19 ПА Андрэ Карыльлё 1991 21 Аб Матэўс Біду  1999 22 Нап Эктар Эрнандэс  1995

№ Пазыцыя Імя Год нараджэньня 25 Аб Кака  1999 26 Аб Фабрысіё Анхілеры  1994 27 ПА Брэну Бідан  2005 31 Нап Кайке Фэрары  2004 32 Бр Матэўс Данэльлі  2002 33 Аб Леў Мана  2004 35 ПА Шарлес Матус  1996 37 ПА Раян Густаву  2003 40 Бр Фэліпэ Лонгу  2005 43 Нап Талес Магна  (ар. Нью-Ёрк Сіці) 2002 46 Аб Уга Фэрэйра  1997 47 Аб Жуан Пэдру  2003 51 Бр Каўэ 2004 54 ПА Луіс Густаву  2006 70 ПА Хасэ Мартынэс  1994

Вядомыя гульцы

Нэка (1913—1930) Сэрвілію (1938—1949) Дамінгас да Гія (1944—1947) Клаўдыю (1945—1957) Балтазар (1945—1957) Луізыньню (1949—1967) Жылмар (1951—1961) Рабэрту Рывэліна (1965—1974) Дына Сані (1965—1968)

Зэ Марыя (1970—1983) Уладзімер Радрыгес (1972—1985, 1987) Біра-Біра (1978—1989) Сакратэс (1978—1984) Валтэр Касаграндэ (1980—1984, 1985—1986, 1994—1995) Віёла (1988—1989, 1992—1995) Рывалду (1993—1994) Марсэліньню Карыёка (1993—1997, 1997—2001, 2006)

Луізан (1999—2002) Эдылсан (1997—2000) Вампэта (1998—2000, 2002—2003, 2007-) Дыда (1999—2001, 2002) Карляс Тэвэс (2005—2006) Раналду (2009—2011) Рабэрту Карлас (2010—2011) Адрыяну (2011—2012)