Поцех

Поцех — возера ў Беларусі, у басэйне ракі Друйкі. Знаходзіцца ў Браслаўскім раёне Віцебскай вобласьці, за 10 км на паўночны ўсход ад Браслава. Належыць да групы Браслаўскіх азёр. Плошча паверхні возера 1,35 км². Даўжыня 2,55 км, найбольшая шырыня 0,95 км. Найбольшая глыбіня дасягае 9,1 м, сярэдняя складае 3,4. Аб’ём вады 4,52 млн м³. Даўжыня берагавой лініі 9,72 км.

Возера Поцех Панарама Поцеху Выгляд з боку вёскі Слабодкі Краіна Беларусь Плошча 1,35 км² Плошча вадазбору 28,6 км² Максымальная глыбіня 9,1 м Найбольшая даўжыня 2,55 км Найбольшая шырыня 0,95 км Даўжыня берагавой лініі 9,72 км Вышыня над узроўнем мора 127 м[1] Аб’ём вады 4,52 млн м³ Каардынаты 55°41′6.83″ пн. ш. 27°9′57.03″ у. д. Поцех на мапе Беларусі Поцех

Галерэя здымкаў у Вікісховішчы

На ўсходнім беразе возера стаіць гістарычнае мястэчка Слабодка.

Апісаньне

Катлавіна складанага тыпу, выцягнутая з захаду на ўсход, складаецца з 4 плёсаў, падзеленых мысамі^[2]. Схілы маюць вышыню да 10 мэтраў, на поўначы — камавыя ўзгоркі, пераважна разараныя. Паўднёвыя схілы ўтвараюцца пясковай озавай градой вышынёй 25—30 мэтраў. Града на поўдні аддзяляе Поцех ад возера Недрава.

Да глыбіні 1,5 мэтра дно пясковае, месцамі — гліністае. Да глыбіні 3 м пераважаюць пясковыя адклады, глыбей — крэменязёмісты сапрапэль. Празрыстасьць вады каля 1 м улетку, і да 2,8 м узімку.

Возера эўтрофнае, слабапраточнае. Злучаецца пратокай з возерам Недрава, таксама ў Поцех упадае ручай з возера Ільмянку.

Надводная расьліннасьць пашыраецца да глыбіні 1,5 мэтры, падводная — да глыбіні 2—2,5 мэтры. Зарастае каля 28% плошчы.

Служыць месцам адпачынку, уваходзіць у турыстычныя маршруты.

Флёра і фаўна

У возеры водзяцца лешч, судак, шчупак, акунь, лінь, плотка, гусьцяра, мянтуз, краснапёрка, джгір, сустракаецца вугор^[3].