Пэдру Нэту

Пэ́дру Нэ́ту (па-партугальску: Pedro Neto; нар. 9 сакавіка 2000) — партугальскі футбаліст, нападнік ангельскага клюбу «Чэлсі» і нацыянальнай зборнай Партугаліі.

Пэдру Нэту
Пэрсанальная інфармацыя
Нарадзіўся	9 сакавіка 2000(2000-03-09)[1] (25 гадоў) Віяна-ду-Каштэлу[d]
Рост	173 см
Пазыцыя	флянгавы паўабаронца
Клюбная інфармацыя
Клюб	Чэлсі
Нумар	7
Клюбы
Гады	Клюб	Гульні (галы)¹
2017—2019	Брага	3 (1)
2017—2019	→ Ляцыё	4 (0)
2019—2024	Ўулвэргэмптан	111 (11)
2024—4	Чэлсі	42 (5)
Зборныя
2016—2017	Партугалія (да 17)[d]	9 (1)
2017—2019	Партугалія (да 19)[d]	7 (4)
2017—2019	Партугалія (да 20)[d]	12 (2)
2019—2023	Партугалія (да 21)[d]	10 (3)
2020—4	Партугалія	19 (2)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 4 кастрычніка 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 9 верасьня 2025.

Кар’ера

Клюбная

Яшчэ хлопцам трапіў у структуру клюбу «Брага». У траўні 2017 году дэбютаваў у галоўнай камандзе браганцаў. 31 жніўня 2017 году Нэту і ягоны таварыш па камандзе Бруну Жардан былі аддадзены ў арэнду італьянскаму «Ляцыё» на два гады з абавязацельствам выкупіць абодвух гульцоў за агульную суму 26 мільёнаў эўра^[2][3]. 2 жніўня 2019 году партугалец склаў працоўную ўгоду з ангельскім «Ўулвэргэмптан Ўандэрэрз»^[4], дзе гуляў некалькі наступных гадоў. 21 кастрычніка 2023 году Нэту згуляў свой 100-ы матч у Прэм’ер-лізе ў выязным матчы супраць «Борнмуту» (2:1), дзе аддаў галявую перадачу^[5]. За гэты час футбаліст стаў адным зь лідэраў каманды. 11 жніўня 2024 году партугалец перайшоў у «Чэлсі» паводле ўмоваў сямігадовага кантракту^[6]. Паведамлялася, што сума ўгоды склала 51,3 мільёнаў фунтаў стэрлінгаў з магчымымі бонусамі ў памеры 2,6 мільёнаў фунтаў стэрлінгаў^[7]. Ужо празь сем дзён зьявіўся на замену ў хатнім матчы ангельскай лігі супраць «Манчэстэр Сіці»^[8].

Міжнародная

Прыцягваўся да складу моладзевай зборнай Партугаліі. 5 лістапада 2020 году атрымаў дэбютны выклік у асноўную зборную Партугаліі на матчы супраць зборных Андоры і Францыі^[9]. 11 лістапада згуляў першы матч у кашулі нацыянальнай каманды ў хатнім таварыскім матчы супраць андорцаў, правёўшы адзін з галоў^[10] і стаўшы першым гульцом, народжаным у 2000-х гадах, які прадстаўляў краіну^[11]. Нэту быў выключаны з складу зборнай на чэмпіянату сьвету 2022 году праз траўму. Не зважаючы на паўторныя фізычныя праблемы ў наступныя гады, новы трэнэр Рабэрта Мартынэс улучыў нападніка ў заяўку дзеля ўдзелу ў чэмпіянаце Эўропы 2024 году^[12].

Дасягненьні

«Ляцыё»:

• Уладальнік Кубка Італіі: 2019

«Чэлсі»:

• Пераможца Лігі канфэрэнцыяў: 2025
• Пераможца клюбнага чэмпіянату сьвету: 2025

Партугалія:

• Пераможца Лігі нацыяў УЭФА: 2025