Пэр Ліндгальм

Пэр Лі́ндгальм (па-швэдзку: Pär Lindholm; нар. 5 кастрычніка 1991 году) — швэдзкі хакеіст, цэнтральны нападнік клюбу «Шэлефтэо АІК».

Пэр Ліндгальм
Рост	181 см[1]
Вага	81 кг
Пазыцыя	нападнік
Кідок/Ловы	левы[d]
Грамадзянства	Швэцыя
Дата нараджэньня	5 кастрычніка 1991(1991-10-05) (33 гады)
Месца нараджэньня	Кусмарк[d]
Клюб	Шэлефтэо АІК
Выступаў за	Сундсваль Пітэо Карльскруна Таронта Мэйпл Ліфс Вініпэг Джэтс Бостан Бруінз Ак Барс
Гульнявая кар’ера	2009 — цяпер

Кар’ера

Кар’еру запачаткаваў на радзіме ў клюбе «Шэлефтэо АІК», выхаванцам якога і быў. У 2010 годзе далучыўся да клюбу «Сундсваль» з другога швэдзкага дывізіёну. Наступныя гады правёў у «Пітэо» і «Карльскруне», павярнуўшыся ў элітны дывізіён у «Шэлефтэо АІК» у сэзоне 2014—2015 гадоў. З таго часу замацаваўся ў складзе, а ў сэзоне 2017—2018 гадоў нават стаўся галоўным цэнтравым у Швэдзкай хакейнай лізе. Такі посьпех прыцягнуў увагу з НХЛ, у выніку чаго «Таронта Мэйпл Ліфс» запрапанавала хакеісту кантракт тэрмінам на адзін год^[2][3]. Дэбют гульца за акіянам адбыўся 3 кастрычніка 2018 году ў матчы супраць «Манрэалю Канадыенз»^[4]. 13 кастрычніка гулец закінуў першую шайбу ў браму «Вашынгтону Кэпіталз»^[5]. 25 лютага 2019 году швэд быў абменены на Ніка Пэтана ў «Вініпэг Джэтс», а па сканчэньні сэзону як вольны агент склаў пагадненьне з «Бостанам Бруінз» тэрмінам на 2 гады. Паводле дамовы гулец мусіў зарабіць 850 тысяч даляраў^[6]. Праз пандэмію каранавіруса сэзон 2020—2021 гадоў быў прыпынены, таму нападнік вярнуўся ў родны «Шэлефтэо АІК». Сэзон 2021—2022 гадоў правёў у складзе расейскага «Ак Барсу», але ў траўні 2022 году зноўку склаў дамову з «Шэлефтэо АІК»^[7].