Пярэспа (станцыя мэтро)

Пярэспа — запраектаваная станцыя трэцяй чаргі Зеленалускай лініі Менскага мэтрапалітэну^[1]. Станцыю плянуецца разьмясьціць на скрыжаваньні праспэкта Машэрава і вуліцы Крапоткіна^[2]. Назва бярэ пачатак ад аднаймённай гістарычнай мясцовасьці і ракі Пярэспа. Першапачатковая праектная назва — Праспэкт Машэрава. Увогуле трэцяя чарга Зеленалускай лініі будзе складацца з 4 станцыяў: «Прафзьвязная», «Пярэспа», «Камароўская» і «Парк Дружбы Народаў». Паводле плянаў, будаўніцтва павінна быць скончанак да 2028-2029 гадоў^[3].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Пярэспа (неадназначнасьць).

Станцыя «Пярэспа»
Зялёналуская лінія
Менскі мэтрапалітэн
Дата адкрыцьця	прыкладна 2028
Былыя назвы	Праспэкт Машэрава
Глыбіня закладаньня, м	каля 12
Тып плятформы	астраўнога тыпу
Шырыня плятформы, м	15
Будаўнік	Менскмэтрабуд
Выхад да вуліц	праспэкт Машэрава, вуліца Крапоткіна
Код станцыі	318

п а р Зялёналуская лінія
Лагойская Зялёны Луг Івана Мележа Парк Дружбы Народаў Камароўская Пярэспа Праспэкт Пераможцаў Юбілейная плошча Плошча Францішка Багушэвіча Вакзальная Кавальская Слабада Аэрадромная Немаршанскі Сад ЦЧ-3 «Слуцкае» Слуцкі Гасьцінец

Праект

Праект «Пярэспы» будзе нагадваць станцыі «Міхалова» і «Немаршанскі Сад», а таксама падобны на праекты «Прафзьвязнай» і «Камароўскай». Шматпавярховая, кампактная, эскалатары па цэнтры станцыі. Вэстыбюль будзе таксама адзін. Праект спадабаўся мэтрабудаўнікам за сваю кампактнасьць, адносную таннасьць і хуткасьць будаўніцтва. Глыбіня — таксама каля 12 мэтраў. Выхадаў з падземнага пераходу будзе чатыры — па два на кожны бок праспэкту Машэрава^[4].