Пятро Садоўскі

Пятро (Пётра) Вікенцьевіч Садоўскі (нар. 2 лютага 1941 году)^[2] — беларускі мовазнавец, палітык і дыплямат. Кандыдат філялягічных навук.

Пятро Садоўскі лац. Piatro Sadoŭski
Надзвычайны і Паўнамоцны Амбасадар Рэспублікі Беларусь у Фэдэратыўнай Рэспубліцы Нямеччына
3 чэрвеня 1992 — 28 кастрычніка 1994
Прэзыдэнт	Аляксандар Лукашэнка (ад 1994)
Прэм’ер-міністар	Вячаслаў Кебіч, Міхаіл Чыгір
Наступнік	Пётар Бяляеў
Асабістыя зьвесткі
Нарадзіўся	2 лютага 1941 (84 гады) Будзькаўшчына, Бабыніцкі сельсавет, Ветрынскі раён[d], Віцебская вобласьць, БССР, СССР
Партыя	Беларускі народны фронт, пазьней Беларускі рух
Адукацыя	Менская сувораўская вайсковая вучэльня (1959) Менскі дзяржаўны лінгвістычны ўнівэрсытэт
Узнагароды	Мэдаль да стагодзьдзя БНР[1]

Вікіпэдыя мае артыкулы пра іншых асобаў з прозьвішчам Садоўскі.

Біяграфія

У 1953 паступіў у МнСВУ. У 1959 скончыў МнСВУ. Скончыў Менскі дзяржаўны пэдагагічны інстытут замежных моваў. Валодае нямецкай, ангельскай, гішпанскай ды францускай мовамі. Быў сябрам Прэзыдыюму ды старшынём камісіі ў замежных справах Вярхоўнага Савету БССР і Рэспублікі Беларусь 12-га скліканьня^[3]. У часы парлямэнцкай дзейнасьці быў сябрам фракцыі Беларускага народнага фронта.

3 чэрвеня 1992 году прызначаны Надзвычайным і Паўнамоцным Амбасадарам Рэспублікі Беларусь у Фэдэратыўнай Рэспубліцы Нямеччына^[4]; адстаўлены быў 28 кастрычніка 1994 году загадам Прэзыдэнта Рэспублікі Беларусь^[5].

Пасьля адстаўкі займаецца грамадзкай і палітычнай дзейнасьцю ў Беларусі. Да 2009 г. быў сябрам сойму Партыі БНФ^[6]. Аўтар кнігі ўспамінаў «Мой шыбалет» (2008).