Пётар Мурзёнак

Пётар Пятро́віч Мурзёнак (нар. 8 траўня 1951, вёска Дунілавічы, Пастаўскі раён, Віцебская вобласьць) — беларускі навуковец у галіне фізыялёгіі, паэт, грамадзкі дзеяч беларускай дыяспары ў Канадзе. Доктар мэдычных навук (1991).

Пётар Мурзёнак
Пётар Пятровіч Мурзёнак
Род дзейнасьці	фізыёляг, паэт, грамадзкі дзеяч
Дата нараджэньня	8 траўня 1951
Месца нараджэньня	Дунілавічы, Пастаўскі раён, Віцебская вобласьць, БССР
Месца вучобы	Беларускі дзяржаўны мэдычны ўнівэрсытэт (1974)
Занятак	фізыёляг, паэт, грамадзкі дзяяч, імуноляг, публіцыст
Навуковая сфэра	імуналёгія[1][2], паэзія[2] і публіцыстыка[2]
Месца працы	Інстытут фізыялёгіі Міжнародны дзяржаўны экалягічны ўнівэрсытэт імя А. Дз. Сахарава
Сябра ў	Згуртаваньне беларусаў Канады
Узнагароды	Мэдаль да стагодзьдзя БНР

Біяграфія

Скончыў Менскі мэдычны інстытут у 1974 годзе. Працаваў загадчыкам аддзелу ў Нацыянальнай акадэміі навук Беларусі, прафэсарам і загадчыкам катэдры ў Экалягічным унівэрсытэце імя Сахарава. Мае 157 навуковых публікацый. З 1998 году жыве і працуе ў Канадзе. У 2001—2005 гадах быў старшынём Згуртаваньня беларусаў Канады (ЗБК).

Узнагароды

Узнагароджаны мэдалём 100 гадоў БНР Рады Беларускай Народнай Рэспублікі^[3].