Пінджур

Пінджур (па-македонску: Пинџур‎) — македонская страва, лагодная^[1] падліва зь печанага струкавага перцу.

Пінджур

Складаецца зь ня меней за 60% перцу і баклажанаў, памідораў, часныку, алею, цукру, солі і пятрушкі^[2][3].

Падаецца да мяса, бульбы, хлеба.

Перац, баклажаны і памідоры запякаюць на вуглях ці ў духоўцы, пасьля складаюць у вялікую місу, накрываюць кухонным ручніком, каб гародніна зьмягчэла. Потым усё чысьцяць. Мякіну таўкуць драўляным таўкачыкам, пажадана ў драўляным посудзе. Пасьля дадаецца тоўчаны часнык, соль і алей. Прыгатаваны соўс трэба паставіць на некалькі гадзін ў лядоўню^[4].