Раман Козел

Раман Козел (нар. 7 лютага 1997 году) — беларускі футбаліст, абаронца клюбу «Ніва» з Доўбізны.

Раман Козел
Пэрсанальная інфармацыя
Нарадзіўся	7 лютага 1997(1997-02-07)[1] (28 гадоў) Берасьце, Беларусь
Пазыцыя	абаронца
Клюбная інфармацыя
Клюб	Ніва Доўбізна
Нумар	88
Клюбы
Гады	Клюб	Гульні (галы)¹
2017	Слонім-2017	15 (3)
2017	Крумкачы	12 (0)
2018	Белшына	24 (0)
2019	Рух Берасьце	2 (0)
2019	Мікашэвічы	14 (2)
2020	Маларыта[d]	21 (4)
2021	Слонім-2017	27 (3)
2022—4	Ніва Доўбізна	85 (9)
Зборныя
2017	Беларусь (да 21)	1 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025.

Кар’ера

Клюбная

Козел быў выхаванцам берасьцейскага «Дынама», дзе выступаў за клюбны дубль. У 2015—2016 гадах не гуляў праз службы ў войску. У пачатку 2017 году перайшоў у клюб Першай лігі «Слонім-2017», дзе быў трывалым гульцом асновы і дапамог камандзе паводле вынікаў першай паловы сэзону апынуцца сярод лідэраў турніру. У ліпені 2017 году стаў гульцом сталічных «Крумкачоў»^[2]. 29 ліпеня 2017 году дэбютаваў у Найвышэйшай лізе, правёўшы ўсе 90 хвілінаў у матчы супраць «Віцебску» (2:2). Пазьней замацаваўся ў якасьці асноўнага правага абаронцы каманды. У пачатку 2018 году рыхтаваўся да новага сэзону з «Крумкачамі», аднак пасьля ўзнікненьня ў клюба праблемаў з атрыманьнем ліцэнзіі на ўдзел у Найвышэйшай лізе ў сакавіку 2018 году далучыўся да «Белшыны», зь якой неўзабаве склаў кантракт^[3]. У складзе бабруйскага клюбу замацаваўся ў першай адзінаццатцы.

У студзені 2019 году далучыўся да берасьцейскага «Руха»^[4]. Аднак ня здолеў замацавацца ў складзе, згуляў толькі ў двух матчах у Першай лізе і ў адным матчы Кубка Беларусі. У ліпені 2019 году пакінуў берасьцейскую каманду^[5] і неўзабаве стаў гульцом мікашэвіцкага «Граніта»^[6], дзе замацаваўся ў пачатковым складзе. У лютым 2020 году падпісаў новы кантракт з «Гранітам»^[7], аднак ужо ў красавіку зь фінансавых чыньнікаў пакінуў каманду^[8] і неўзабаве далучыўся да клюбу ««Дынама-Берасьце-1960» з Другой лігі.

У пачатку 2021 году праходзіў прагляд у берасьцейскім «Дынама», а ў красавіку стаў гульцом «Слоніма-2017», дзе трывала гуляў у стартавым складзе. У красавіку 2022 году далучыўся да «Нівы» з Доўбізна.

Міжнародная

10 лістапада 2017 году дэбютаваў у моладзевай зборнай Беларусі, выйшаўшы на замену ў другім тайме таварыскага матча супраць зборнай Летувы на пазыцыю апорнага паўабаронцы.

Статыстыка

Клюб	Сэзон	Чэмпіянат
		Дывізіён	Матчы	Галы
Слонім-2017	2017	Першая ліга	15	3
Крумкачы		Найвышэйшая ліга	12	0
Белшына	2018	Першая ліга	24	0