Расасенка

Раса́сенка — рака ў Беларусі, левы прыток Дняпра. Цячэ ў Дубровенскім раёне Віцебскай вобласьці. Даўжыня 43 км. Плошча вадазбору 271 км². Выдатак вады ў вусьці 1.7м³/с. Сярэдні нахіл воднай паверхні 1,4‰.

Рака

Расасенка
Рака Расасенка
Агульныя зьвесткі
Выток	каля в. Пішчыкі 54°31′09.62″ пн. ш. 30°50′02″ у. д.
Вышыня вытоку	222 м
Вусьце	Дняпро Расасна 54°38′57.24″ пн. ш. 30°52′47.95″ у. д.
Вышыня вусьця	154 м
Краіны басэйну	Беларусь
Вобласьці	Дубровенскі раён
Даўжыня	43 км
Плошча басэйну	271 км²
Нахіл воднай паверхні	1,4 ‰
Асноўныя прытокі
Левыя	Трань, Шчавоня, Бабровенка
Правыя	Ліпіца, Лукі, Любкіньня, Перавалочна, Бабравец, Сімоніха, Мілкаўка
Галерэя здымкаў у Вікісховішчы

Расасенка. Вусьце.

Расасенка. Вусьце.

Агульныя зьвесткі

Выцякае за 1 км на ўсход ад вёскі Пішчыкаў, цячэ схіламі Горацка-Амсьціслаўскай узвышанай раўніны на захадзе Смаленскага ўзвышша. Упадае ў Дняпро каля вёскі Расасна. Даліна ў верхняй плыні трапэцападобная з стромкімі схіламі шырынёй да 2 км. Абалона двухбаковая, або чаргуецца па берагох, вузкая шырынёй да 100 м, сухая, зарослая хмызьняком. Рэчышча зьвілістае, пяскова-камяністае, шырынёй 5—7 м, у ніжняй плыні да 10 м. На пэрыяд веснавога разводзьдзя прыпадае ва 60% гадавога сьцёку^[1].

Найбольшыя прытокі

• Правыя:

1. Лукі. Пачынаецца ў ваколіцах вёскі Цыбульскіх. Даўжыня 10 км.
2. Любкіньня. Пачынаецца ў ваколіцах вёскі Ляхаўкі, 2 км на паўдзень. Даўжыня 8.4 км.
3. Перавалочка. Пачынаецца ў ваколіцах вёскі Ляхаўкі, 1.5 км на паўднёвы ўсход. Даўжыня 19 км. Сярэдні нахіл воднай паверхні 2,3‰. Вадазбор 62 км², пад лесам 18%.
4. Мілкаўка. Пачынаецца ў ваколіцах вёскі Слабады, 2 км на паўднёвы ўсход. Даўжыня 6.8 км.
5. Сімоніха. Пачынаецца ў ваколіцах вёскі Казьянаў, 0.8 км на паўночны ўсход. Даўжыня 4.8 км.

• Левыя:

1. Трань. Пачынаецца ў ваколіцах вёскі Пагодзіна. Даўжыня 4 км.
2. Шчавоня. Пачынаецца ў ваколіцах вёскі Барсукоў. Даўжыня 13 км.
3. Баброўка. Пачынаецца ў ваколіцах вёскі Чырвонай Слабады. Даўжыня 6 км.

На рацэ

Расасенка

Вёскі: Пішчыкі, Чырына, Быстрыёўка, Пуцяціна, Зарубы, Вежкі, Слатаўшчына, Казарынава, Міхалінава, Русаны, Казьяны, Ваўкулакава, Хандогі, Вусьце, Расасна.

Левыя прытокі

• Трань. Вёскі: Пагодзіна,Юкава, Слатаўшчына.
• Шчавоня. Вёскі: Барсукі, Бяскі, Гуракі, Пецькі, Міхалінава, Казарынава.
• Баброўка. Вёска Баброва.

Правыя прытокі

• Лукі. Вёскі: Волева, Цыбульскія, Кляны.
• Любкіньня. Вёскі: Парфенаўка, Ляхаўка, Хаетчына.
• Перавалочка. Вёскі: Кулакоўшчына, Коршыкава, Дзям’янкава, Парфенкава, Казарынава
• Бабравец. Вёскі: Лаўкі, Ліцьвінава.
• Мілкаўка. Вёскі: Вусьце, Слабада.
• Сімоніха. Вёска Вусьце.

Турыстычная інфармацыя

Славутасьці

У межах вадазбору ёсьць наступныя помнікі археалёгіі, гісторыі, мастацтва, культуры і прыроды ў паселішчах па берагах Расасенкі і яе прытоках.

• Баброва: гарадзішча ў цэнтры вёскі, на паўднёвым беразе Бабровенкі; помнік на братэрскай магіле 1710 воінаў, што загінулі ў 1943—1944 г.
• Вежкі — Гарадзішча за 0,5км на поўнач ад вёскі, ніжэй моста, на пойме правага берага.
• Казьяны — станцыя на паштовым тракце Ворша — Дуброўна — Ляды — Смаленск; абэліск на магіле капітана Б.У. Загорскага, які загінуў у 1943 г.
• Кляны — помнік на братэрскай магіле 149 воінам, што загінулі ў 1943—1944 г.; радзіма драматурга Алеся Дударава.
• Ліцьвінава (не існуе з 1970-х) на левым беразе ручая Бабравец. Радзіма паэта Сяргея Ракіты — псэўданім Сяргея Васільевіча Законьнікава(1909—1942).
• Міхалінава: абэліск на братэрскай магіле 40 воінам, што загінулі ў 1943—44 г.
• Пішчыкі: радзіма доктара філялягічных навук, прафэсара Аляксея Груцы (1924—2017).
• Чырына: гарадзішча за 1,5км на паўднёвы захад ад вёскі, на правым беразе ручая Ліпіца (правы прыток Расасенкі).

Страчаная спадчына

• Царква Сьвятога Юрыя ў былым мястэчку Расасна.
• Сьвята-Духаўская царква ў вёсцы Міхалінава
• Царква Сьвятых Апосталаў Пятра і Паўла ў вёсцы Ліцьвінава.
• Царква Ўзьнясеньня Гасподняга ў вёсцы Чырына.

• Расасенка
• 
• 
  Расасна
•