Расмус Эльм

Расмус Крыстафэр Эльм (па-швэдзку: Rasmus Christoffer Elm; нар. 17 сакавіка 1988 году, Кальмар, Швэцыя) — швэдзкі футбаліст, паўабаронца нацыянальнай зборнай Швэцыі.

Расмус Эльм
Пэрсанальная інфармацыя
Нарадзіўся	17 сакавіка 1988(1988-03-17)[1] (37 гадоў) Кальмар, Швэцыя
Рост	184 см
Вага	75 кг
Пазыцыя	паўабаронца
Клюбы
Гады	Клюб	Гульні (галы)¹
2005—2009	Кальмар	96 (17)
2009—2012	АЗ Алькмаар	83 (18)
2012—2015	ЦСКА Масква	47 (5)
2015—2019	Кальмар	72 (2)
Зборныя
2003—2005	Швэцыя (да 17)[d]	15 (0)
2005—2007	Швэцыя (да 19)[d]	19 (5)
2007—2010	Швэцыя (да 21)[d]	18 (0)
2009—2013	Швэцыя	39 (4)

Кар’ера

«Кальмар»

Раньнія гады сваёй кар’еры Эльм правёў у малазначных швэдзкіх клюбах, якія выступалі ў ніжэйшых дывізіёнах краіны. Ягоным першым сур’ёзным клюбам стаў «Кальмар», куды швэдзкі футбаліст прыйшоў у студзені 2005 года. Ён выступаў за гэты клюб да жніўня 2009 году. За гэты час паўабаронца правёў 96 гульняў у Альсвэнскане й забіў 17 галоў. У 2007 годзе Эльм дапамог камандзе заняць 2 месца ў чэмпіянаце, перамагчы ў нацыянальным кубку й стаць фіналістам Супэркубка. У сэзоне 2008 году ён разам з камандай стаў пераможцам чэмпіянату Швэцыі, упершыню ў гісторыі клюбу «Кальмар», гуляў у фінале Кубка й Супэркубка краіны.

АЗ

Дзякуючы сваёй удалай гульні ў «Кальмары», швэдзкі футбаліст прыцягнуў увагу клюбу АЗ зь Нідэрляндаў. 27 жніўня 2009 году Расмус падпісаў з гэтым клюбам чатырохгадовы кантракт^[2]. Дэбют паўабаронцы ў чэмпіянаце Нідэрляндаў адбыўся 12 верасьня 2009 году ў сустрэчы супраць «АДО Дэн Гааг». У сваім першым сэзоне за АЗ Эльм правёў 23 матчы й забіў 3 галы. У наступным сэзоне 2010—2011 гадоў ён удзельнічаў у 28 гульнях чэмпіянату й адзначыўся 5 галамі.

ЦСКА

У канцы 2011 году зьявілася інфармацыя, што ў паслугах швэдзкага футбаліста зацікаўлены маскоўскі ЦСКА. Аднак Расмус прыняў рашэньне застацца ў ранейшым клюбе^[3]. У ліпені 2012 году паведамлялася аб аднаўленьні перамоваў з нагоды пераходу Эльма ў склад чырвона-сініх^[4]. 25 ліпеня стала вядома, што клюб з Расеі дамовіўся з АЗ аб куплі паўабаронцы, сума трансфэру меркавана склала больш за 6 млн эўра^[5]. 30 ліпеня футбаліст падпісаў з ЦСКА трохгадовы кантракт^[6].

Міжнародная кар’ера

У жніўні 2007 году адбыўся дэбют Эльма ў моладзевай зборнай Швэцыі, гулец выйшаў на замену ў матчы з аднагодкамі з Ўэйлзу. Да гэтага ён выступаў у юнацкай зборнай сваёй краіны. У 2009 годзе Расмус прыняў удзел у моладзевым чэмпіянаце Эўропы па футболе, дзе ягоная каманда ў паўфінале прайграла ангельцам у сэрыі пасьляматчавых пэнальці. У тым жа годзе трэнэр галоўнай зборнай краіны Лярс Лягербэк уключыў паўабаронцу ў склад каманды на таварыскія гульні. Ён дэбютаваў за зборную ў студзені 2009 году, а 11 лютага забіў свой ​​першы гол у сустрэчы супраць зборнай Аўстрыі^[7].

Дасягненьні

«Кальмар»:

• Чэмпіён Швэцыі: 2008
• Уладальнік Кубка Швэцыі: 2007
• Уладальнік Супэркубка Швэцыі: 2009

ЦСКА:

• Чэмпіён Расеі: 2013, 2014
• Уладальнік Кубка Расеі: 2013
• Уладальнік Супэркубка Расеі: 2013, 2014