Рачэнскі сельсавет

Рачэ́нскі сельсавет — адміністрацыйна-тэрытарыяльная адзінка ў складзе Любанскага раёну Менскай вобласьці. Адміністрацыйны цэнтар — вёска Рачэнь.

Рачэнскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Рачэнь
Дата ўтварэньня	20 жніўня 1924
Насельніцтва	▼2692 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

20 жніўня 1924 году створаны Рачэнскі сельсавет у складзе Любанскага раёну Слуцкай акругі. З 9 чэрвеня 1927 году ў складзе Бабруйскай акругі. Пасьля скасаваньня акруговай сыстэмы 26 ліпеня 1930 году ў Любанскім раёне БССР. З 21 чэрвеня 1935 году ў Любанскім раёне Слуцкай акругі. Пасьля ўвядзеньня абласнога падзелу 20 лютага 1938 году ў Любанскім раёне Менскай вобласьці. З 20 верасьня 1944 году ў складзе Бабруйскай вобласьці, з 8 студзеня 1954 году ў Менскай вобласьці.

У 1971 годзе скасаваны хутары Васькава Гара, Кацічава і Сьвісціна^[1], у 1980 годзе — хутар Папарыха^[2].

28 траўня 2013 году ў склад сельсавету перададзеныя населеныя пункты Асавец, Барок, Дубілаўка, Жораўка, Ляхаўка, Песчанец 1, Песчанец 2, Слабодка, Турок, Фёдараўка ліквідаванага Ляхаўскага сельсавету^[3].

27 лістапада 2018 году зьліквідаваны хутар Каценін.^[4]

Насельніцтва

Паводле перапісу 2009 году насельніцтва сельсавета (32 населеныя пункты) — 3039 чалавек^[5], зь іх 97,3 % — беларусы^[6].